فۆتۆ:
2021-06-23
1683 جار خوێندراوەتەوە
لگورى ژێدەرەکى ژ حکومەتا عێراقێ، د دەما کێمتر ژ حەفتیەکێ دا ئەو کۆژمێ پارەى بۆ هەرێمێ تەرخانکریە و دێ گەهیت هەرێمێ، دبێژیت ژى، مەرەما شاندنا وى پارەی ئەوە ل هەرێمێ لێبڕینا مووچەی داوى پێ بهێت.
ژێدەرەک ژ حکومەتا عێراقێ بۆ ئێن ئاڕ تى گوت، د دەما کێمتر ژ حەفتیەکێ دا ئەو کۆژمێ پارەى یێ بۆ هەرێمێ هاتى مەزاختن دێ گەهیتە هەرێمێ، دبێژیت ژى، هنارتنا وی بڕێ پارەى ژ بەغدا دێ هێت پەیوەندى ب لهەڤهاتنا دناڤبەرا هەرێم و بەغدا نینە، بەلکو ژ ئالیێ حکومەتا هەرێمێ ڤە داخازا وى کۆژمێ پارەى کریە وەک سولفەک و پشتى جێبەجێکرنا ماددەیێ ١١ێ ژ یاسایا بودجەیێ دێ وى کۆژمێ پارەى ژ پشکا هەرێمێ بڕیت.
ژێدەرەکى ژ حکومەتا عێراقێ دیار ژى کر، شاندنا وى کۆژمێ پارەى بۆ وێیەکێ یە کو لێبرینا موچەى دێ داوى پێ هێت و موچەخۆرێن هەرێما کوردستانێ موچەیێن خۆ ب تەڤایى وەربگرن.
رۆژا ١٥ێ ڤێ مەهێ، مەسرور بارزانى سەرۆکێ حکومەتا هەرێمێ ڕاگەهاند، دگەل بەغدا لهەڤهاتن بەشە بۆدجەیا هەرێمێ ڤەگەرینن.
١٢ێ مەهێ ژى، رێباز حەملان جێگرێ سەرۆک وەزیرێن هەرێما کوردستانێ بۆ کاروبارێن دارایی و وەبەرهینانێ ل تاوتوێیا ئێن ئاڕ تى دا ڕاگەهاند، "ئەگەر بەغدا پارەى ژى بشینیت نەشێین بێژین ١٠٠% لێبرینا موچەی دێ داوى پێ هێت"، دبێژیت ژى، "داهاتێ بەردەستێ مە و پارەیێ بەغدا دێ بڕیارێ ل سەر موچەی دەین ب بێ لێبرین".
دەما زێدەتر دوو مەهانە، بودجەیێ عێراقێ پەسەندکریە، پشکا هەرێمێ ل بودجەیێ عێراقێ ب ١٢.٦٧% دیارکریە، د هەمبەردا، حکومەتا هەرێمێ پابەندکریە ب ڕادەستکرنا ٢٥٠ هزار بەرمیلێن پەتڕۆلا رۆژانە ب بهایێ سۆمۆ دگەل رادەستکرنا نیڤەک ژ داهاتێ دەرازینکێن سنورى، لێ د نها دا چ کۆژمەکێ پارەى ژ بەغدا نەهاتیە بۆ هەرێمێ.
ئومێد محەمەد، بەغدا
د.ش