فۆتۆ:
2021-06-23
391 جار خوێندراوەتەوە
بڕیارە وەزیرێ پێشمەرگەی و سوپاسالار و چەند بەرپرسێن وەزارەتا پێشمەرگەی بۆ پەرلەمانی بهێنە گازیکرن و گۆتۆبێژ لسەر ئێکگرتنا هێزێن پێشمەرگەی بهێنە کرن.
ئەندامەکێ لژنەیا پێشمەرگەی بۆ رۆپەلێ فەرمی یێ پارتی ڕاگەهاندیە، "مە لژنەیەک پێک ئینایە بۆ وێیەکێ ڤەکۆلینێ ل ئاریشەیێن پێشمەرگەی بکەن و مە بەرنامەیەک دانایە بۆ سەرەدانا میحوەران و سەرەدانا پتریا میحوەران هاتیەکرن، بتنێ یێ بەهدینان ماینە ئەوێن خانەقین و قەرەچووغ تەمامبووینە و مە هەمی ئاریشە دەستنیشان کرینە و بتنێ یا مای لسەر ب ئاخڤین و ئاریشە بهێنە چارەسەرکرن، ژبەر ڤێیەکێ بۆ وێ مەرەمێ دێ وەزیرێ پێشمەرگەی و سوپاسالارێ پێشمەرگەی و چەند کەسێن پەیوەندیدار ب پێشمەرگەی گازیکەینە پەرلەمانی".
وی ئەندامێ لژنەیا پێشمەرگەی ئاماژە ب وێیەکێ ژی کریە، "ژبلی وێ ژی، دێ بەحسا کێشەیێن دی یێن پێشمەرگەی کەین وەک ئێکگرتنا هێزێن پێشمەرگەی و ب تایبەتی ئاریشەیێن پێشمەرگەییان ل سەنگەران".
بەحسا وێیەکێ ژی کر، "بڕیارە پشتی گازیکرنا وەزیرێ پێشمەرگەی و بەرپرسێن پێشمەرگەی بۆ لژنێ، پشترا وەزیرێ پێشمەرگەی بۆ جڤینەکا تایبەت یا پەرلەمانێ کوردستانێ بهێتە گازیکرن".
ئەڤە ددەمەکیدایە ل هەرێما کوردستانێ، هێزێن ٧٠ سەر ب ئێکەتیێ نە و هێزێن ٨٠ سەر ب پارتی ڤەنە، چەند لیوایەکێن هەڤبەش ل وەزارەتا پێشمەرگەی هاتینە پێکئینان، دەما چەند سالانە بەرپرسێن هەرێمێ بەحسا بزاڤێن خۆ دکەن بۆ ئێکگرتنا وان هێزان، لێ هەیا نها ئەو هێزە نەبوونە ئێک.
هـ.ئـ