فۆتۆ:
2021-06-23
1765 جار خوێندراوەتەوە
حکومەتا هەرێمێ جڤیا و د ڕاگەهاندنەکێ دا ئەو یەکە هاتیە، "وەزیرێ دارایی زەلالکرنا پێدڤى دەربارەى هژمار و داتایێن تایبەت ب داهات و مەزاختى و کورتئینانا دناڤ بودجەیێ هەرێما کوردستانێ بۆ سالا ٢٠٢١ێ دیارکر".
ئەڤرۆ چارشەمبى، حکومەتا هەرێما کوردستانێ جڤیان و د ڕاگەهاندنەکێ دا ئەو یەکە هاتیە، "د جڤینێ دا ئاوات جەناب وەزیرێ دارایی زەلالکرنا پێدڤى دەربارەى هژمار و داتایێن تایبەت ب داهات و مەزاختى و کورتئینانا دناڤ بودجەیێ هەرێما کوردستانێ بۆ سالا ٢٠٢١ێ دیارکر".
د وێ ڕاگەهاندندنێ ئاماژە ب وێیەکێ ژى کریە، "مە بڕیار دا وەزارەتێن دارایی و پلاندانان و سامانێن سروشتى جڤین دگەل لژنەیێن تایبەتمەند و فراکسیۆنێن پەرلەمانێ کوردستانێ ئەنجان بدەن".
دیار ژى کر، "جڤین بۆ پتر بەرچاڤ رۆنیا و لێکتێگەهشتنا هەڤ بەش دناڤبەرا حکومەت و پەرلەمانى دا، ژبۆ کو پرۆژە یاسایەکا شەفاف و گشتگیر ئامادوە بکەین و پشتى پەسەندکرنێ ژ ئالیێ جڤاتا وەزیران ڤە، بشیننە بۆ پەرلەمان ێکوردستانێ ژبۆ دەنگدان لسەر".
ئەڤە ژى د دەمەکى دایە، پشتى ٢٠١٣ێ حکومەتا هەرێمێ پرۆژە یاسایا بودجەی نینە و رەوانەی پەرلەمانى نەکریە داکو بهێتە پەسەندکرن و بەرچاڤ رۆنیا پێدڤى لهەمبەرى داهات و مەزاختیان نینە.
چەندین جارە فراکسیونێن ئۆپۆزیسیۆنێ داخازکریە حکومەتا هەرێمێ بچنە پەرلەمانێ کوردستانێ و زەلالکرنێ بدەن لسەر وى داهاتێ لبەردەست، د دەمەکى دا نها داهاتێ دەرازینکێن سنورى زێدەبوویە و بهایێ پەتڕۆل و دۆلارى د بلندبوونێ دایە، لێ لێبرینا موچەی بەردەوامە.
د.ش