فۆتۆ:
2021-06-23
885 جار خوێندراوەتەوە
وەزیرێ بەرێ یێ داد یێ حکومەتا هەرێمێ ڕاگەهاند، ئەو ٢٠٠ ملیارێن بەغدا بۆ هەرێما کوردستانێ دهێنریت وەک سولفەیا مەهانەیە و هەیا بودجە دهێتە جێبەجێکرن دێ هێنە مەزاختن، کو ئەوژی هەڤئاوایێ تەڤایا پارێزگەهێن دیێن عێراقێ.
شێروان حەیدەر وەزیرێ بەرێ یێ داد یێ حکومەتا هەرێما کوردستانێ بۆ رۆپەلێ فەرمیێ پارتی ڕاگەهاند، چ ئاریشەیەکا یاسایی د وان ٢٠٠ ملیار دیناران دا نینە کو بەغدا دێ بۆ هەرێما کوردستانێ هنێریت، ژبەر وێیەکێ ماددێ ١١ێ یێ بودجێ کو گرێدای پشکا هەرێما کوردستانێ یە، هەرێمێ تەڤاییا وان جێبەجێکرینە و لهەڤهاتن ئەنجامدایە و بتنێ رەوانەکرن ژ بەغدا مایە.
وەزیرێ بەرێ یێ داد یێ هەرێمێ ئەوژی دیارکریە، پشتی رازەمەندیا جڤاتا وەزیرێن عێراقێ بۆ هنارتنا وی کوژمێ پارەی وەک سولفەیەک، وەزارەتا دارایی نکاریت رێگریێ ل رەوانەکرنێ بکەت و بڕیارە ژی د داهاتیەکێ نێزیک دا بەغدا وێ سولفەیێ رەوانەی هەرێما کوردستانێ بکەت.
ڕاگەهاند ژی، ئەو کوژمێ پارەی بەریا نها پشک بوویە و نها بوویە سلفە بۆ هەرێما کوردستانێ و ئاریشەیێن یاسایی تێدا نینن و هەر دەمێ پشکا هەرێمێ ژی هاتە مەزاختن وی دەمی هەر ئاریشەیەکا هەبیت دێ هێتە چارەسەرکرن، ژبەر وێیەکێ بڕیارا هنارتنا پارەی دایە و دێ هێتە مەزاختن.
د پرۆژە یاسایێ بودجەیێ هەرێمێ دا ١٢.٦٧% وەک پشکا هەرێمێ هاتیە دانان، ب مەرجێ پێدانا ٢٥٠ هزار بەرمیلێن پەتڕۆلا رۆژانە و نیڤاداهاتێ دەرازینکێن سنوری، د هەمبەردا بەغدا نێزیکی ٩٠٠ ملیاران بۆ هەرێمێ بهێنێریت.
هـ.ئـ