فۆتۆ:
2021-06-23
418 جار خوێندراوەتەوە
پشتی دوهی ئێک ژ دەستەسەرکریێ بەهدینان بۆ سالەک و دوو مەهێن زیندانکرنێ هاتیە سزادان، د ڕاگەهاندنەکێ دا رێکخراوا بەرەڤانیکرنێ ل رۆژنامەڤانان یاناڤدار ب سی پی جی بەحسا وێیەکێ کر، "جارەکا دی حکومەتا هەرێمێ خواستا خۆ بۆ بەرتەنگکرنا مەودایا ئازادیا رۆژنامەڤانی و دەزگەهێ میدیایی ل هەرێما کوردستانێ دیارکر".
رێکخراوا سی پی جی یا بەرەڤانیکرنێ ل رۆژنامەڤانان تەکەز ل دەملدەست ئازادکرنا ئەوان رۆژنامەڤانان کریە و دبێژیت، "پێتڤیە دەستهەلاتدارێن کوردستانێ دەملدەست ئۆمێد بەرۆشکی ئازادبکەن و هەموو ئەو تۆمەتێن کو رووبروویێ وی کرین بداوی بینن و داوی ب فشارکرن و دەستدرێژیکرنا سەر میدیایێ ژی بینن".
دوهی پشتی بڕیارا دادگەها دهۆکێ، رێکخراوێ دەملدەست ب رێکا ئێمێلی پەیوەندی ب دیندار زێباری رێکخەرێ ڕاسپاردەیێن ناڤدەولەتی یێ هەرێما کوردستانێ کریە لێ هەیا نها ناڤ هاتی "چ بەرسڤ دەربارەی بڕیارا دادگەهێ نەگەهاندینە دەستێ وان".
هەڤدەم دووهی رێڤینگ یاسین پارێزەرێ خۆبەخشێ کەیسا سزادایێن بەهدینان بۆ ئێن ئاڕ تی ڕاگەهاند، ئۆمێد بەرۆشکی کو ئێکە ژ دەستەسەرکریێن بەهدینان ب سالەکا زیندانکرنێ هاتە سزادان کو شەش دوسەیە لسەر هاتبوونە تۆمارکرن، کو دادگەهـ لسەر سێ کەیسان برێڤەچبوو.
و.ح