فۆتۆ:
2021-06-23
195 جار خوێندراوەتەوە
نووچەگەهانێ ئێن ئاڕ تی ڕاگەهاند، ئاکنجیێن کومەلگەها گۆپال یێ سەر ب ناحیا بازیان ل دژی نەبوونا کارەبێ و خزمەتگوزاریان خۆنیشاندان ئەنجامدا و رێیا سەرەکی یا کەرکوکێ- سلێمانی گرتیە.
ئەڤرۆ چارشەمبێ، دژی نەبوونا کارەب و خزمەتگوزاریێن سەرەتایێن دی ئاکنجیێن گوندێ گۆپال رێیا سەرەکیا سلێمانی- کەرکوکێ دائێخست و "داخازا دابینکرنا کارەبێ و دابینکرنا دەلیڤێن کاری دکەن".
خۆنیشاندەرێن گوندێ گۆپال یێ سەر ب ناحیا بازیان رێیا سەرەکی یا سلێمانی- کەرکوک دائێخست و داخازا دابینکرنا کارەبێ و دەلیڤێن کاری دکر.
شەڤا دەربازبووی، پشکەک ژ ئاکنجیێن کۆمەلگەها بەردەقارەمان یا سەر ب ناحیا بازیان، دژی نەبوونا خزمەتگوزاریان و نەبوونا کارەبا گشتی و کارەبا موالیدەی، دەلیڤێن کاری و خزمەتگوزاریێن جودا، خڕڤەبوون و چوونە سەر ویستگەها کارەبا دەڤەرێ.
سالانە، ل دەمێ نێزیکبوونا وەرزێن گەرمێ و سەرمایێ دەمێ پێدانا دەمژمێرێن کارەبێ کێم دبن و د نهادا کو وەرزێ هاڤینێ و پلەیێن گەرمێ د بەرزبوونێ دا بەردەوامن، دەمژمێرێن پێدانا کارەبێ ب رەنگەکێ بەرچاڤ کێمکرینە.
هـ.ئـ