فۆتۆ:
2021-06-23
302 جار خوێندراوەتەوە
سپێدا ئەڤرۆ دوو بویەرن هاتن و چوونێ ل سنورێ پارێزگەها دهۆکێ ژ جورێ شێلان و لێکدان روویدان و دئەنجامدا ١٢ کەس برینداربوون و زیانێن ماددی گەهشتینە ترۆمبێلان ژی.
ئازاد تاها رێڤەبەرێ ڕاگەهاندنا هاتن و چوونا پارێزگەها دهۆکێ ڕاگەهاند، سپێدا ئەڤرۆ دەمژمێر ٨:٣٠ خۆلەک لسەر جاددا سەرەکیا دهۆک بۆ زاخۆ دناڤا تۆنێلا گەلیێ زاخۆ دا بویەرەکا هاتن و چوونێ ژ جورێ لێکدان دناڤبەرا دوو ترۆمبێلێن ژ جورێ بارهەلگر (پیک ئاب تویوتا بڕەنگێ سپی دگەل ترۆمبێلەکا بارهەلگر پیک ئاب تویوتا بڕەنگێ سور) روویدا.
ئاماژە ب وێیەکێ ژی کر، دوو کەس دووێ بویەرەێ دا برینداربوونە و زیانێن ماددی ژی گەهشتنە هەردوو ترۆمبێلان.
هەڤدەم ئاشکرا ژی کر، هەر ئەڤرۆ دەمژمێر ٩:٠٠ی سپێدێ لسەر جاددا سەرەکیا دناڤبەرا پارێزگەها دهۆک بۆ هەولێرێ ل سنورێ قەزا شێخان نێزیک گوندێ مەلا بروان بویەرکا هاتن و چوونێ ژ جورێ لێدان کو مینی پاسەکێ (رەفە) خۆ لپەرژانێ جاددێ دایە و دئەنجامدا ١٠ کەس برینداربوون و زیان بەر ب ترۆمبێلێ و پەرژانێ جاددێ ژی کەفتن.
ئەڤەد دەمەکی دایە، دوهی هاتن و چوونا پارێزگەها دهۆکێ ئامارا بویەران بەلاڤکر و ئاشکراکر،ل ١٠ رۆژێن دەربازبووی ژبلی یێن ئەڤرۆ لسەرتاسەری پارێزگەها دهۆکێ ٢٧ بویەرێن هاتن و چوونێ ژ جورێن جودا روویدانە و ٣٤ کەس برینداربوونە و زیان گەهشتنە ٤٢ ترۆمببێلان ژی.
و.ح
