فۆتۆ:
2021-06-23
250 جار خوێندراوەتەوە
هەبوونا شەر و ئالۆزیان ل دەڤەرێن سنورێ باشورێ کوردستانێ کاریگەری لسەر کەرتێ گەشتیاری کریە و رێڤەبەرێ گەشت و گوزارا دهۆکێ ژی دبێژیت، ب وێ سەدەمێ زێدەتری ٢٠ جهێن گەشتیاری ل زاخۆ داخستی نە.
خەیری عەلی ئوسو، رێڤەبەرێ گشتیێ گەشت و گۆزارا دهۆکێ بۆ رۆپەلا پارتی ڕاگەهاندیە، بسەدەما شەرێ دناڤبەرا چەکدارێن پەکەکێ و ئارتێشا تورکیادا ل سنورێ قەزا زاخۆ زێدەتری ٢٠ جهێن گەشتیاری داخستی نە و دنهادا چ گەشتیار سەرەدانێ دانەکەن.
رێڤەبەرێ گەشت و گوزارا دهۆکێ دبێژیت ژی، ئەگەر پەکەکە ل وان جهان نەبیت ژی بسەدەما شەر و هێرشێن تورکیا بوونە مەیدانێن شەری ژبەر وێیەکێ ژی گەشتیار نەشێن سەرەدانا وان جهان بکەن.
ئاماژە ب وێیەکێ ژی کریە، "پەکەکێ زیانێن مەزن گەهاندنە کەرتێ گەشتیاری و ئەڤ سالە ژی ب سەدەما ئالوزیان ڕەوشا ئەولەکاریێ ل دەڤەرێ، پشکا شێری گەهشتیە کەرتێ گەشتیاری، لێ هەردەم ئەم دبزاڤاندانە کار ئاسانیێ بکەن کو گەشتیار ڤەگەرنە وان دەڤەران".
ئەڤەد دەمەکی دایە، ل ٢٣ی نیسانا ئەڤ سالە ئارتێشا تورکیا هێرشەک بۆ دەڤەرێن سنوری یێن باشورێ کوردستانێ ب بهانەیا هەبوونا گەریلایێن پەکەکێ دەستپێکریە و بوویە سەدەمێ چولکرنا چەندین گوندا و شەتینا ب سەدان دوونەمێن عەردی و تێکدانا چەندین جهێن گەشتیاری.
و.ح