فۆتۆ:
2021-06-22
529 جار خوێندراوەتەوە
ل کومەلگەها بەردەقارەمان یا سەر ب ناحیا بازیان وەلاتیان بسەدەما نەبوونا کارەبا گشتى و ماولیدەیان خرڤەبوونە چوینە سەر وێستگەها کارەبا دەڤەرێ.
بەریا نها، بەشەک ژ ئاکنجیێن کۆمەلگەها بەردەقارەمان سەر ب ناحیا بازیان، دژى نەبوونا خزمەتگوزارى و کارەبا گشتى و کارەبا ماولیدەى، دەرفەتا کارى و خزمەتگوزاریێن جیاواز، خرڤەبوون و چوونە سەر وێستگەها کارەبا یا دەڤەرێ.
هەڤدەم، رێڤەبەرێ ناحیا بازیان دەربارەى خرڤەبوونا وان وەلاتیان ئاماژە ب وێیەکێ کر، "سیستەمێ پارڤەکرنا وزەیا کارەبا ناڤەندى یە و پەیوەندى ب مەڤە نینە".
د چارچووڤێ خرڤەبوونا وان دا، وەلاتیێن بەردەقارەمان بۆ ئێن ئاڕ تى گوت، "وێستەهێ کارەبا و کارگەهێن دەڤەرا مە چ مفا بۆ دەڤەرا مە نینە" و داخازا دابینکرنا کارەبا نیشتیمانى کر.
ئاماژە ب وێیەکێ ژى کر، "هەرچەندە وێستگەهێ کارەبێ نێزیکى مەیە، لێ چ مفا بۆ مە نینە، ژبەر وێیەکێ مە دڤێت قوت بکەین".
سالانە ژى، د دما نێزیکبوونا وەرزێ گەرمێ و سەرمایێ دا پێدانا دەمژمێرێن کارەبێ کێم دبن و دنها ژى دا کو وەرزێ هاڤینێ یە و پلەیێن گەرمێ د بلندبوونا بەردەوام دانن، دەمژمێرێن پێدانا کارەبێ ب ئاوایەکێ بەرچاڤ کێمبوونە.
د.ش