فۆتۆ:
2021-06-22
106 جار خوێندراوەتەوە
ڕێڤەبەریا نەهێلانا ماددەیێن بێ هۆشکەر ڕاگەهاند، ١٠ کەس ب تۆهمەتا بازرگانیکرنێ ب ماددەیێن بێ هۆشکەر دا هاتە گرتن و دەست ب سەر زێدەتر ژ ٢٣ کیلۆ نیڤێن ماددەیێن بێ هۆشکەر و ب دەهان هزار دەستێن حەبکێن بێ هۆشکەر و دەرمانێن قەدەغەکرى دا هاتینەگرتن.
ڕێڤەبەریا نەهێلانا ماددەیێن بێ هۆشکەر د ڕاگەهاندنەکێ دا بەحسا وێیەکێ کریە، د سێ چالاکیێن جۆدا دا ١٠ تۆهمەتبار دەستەسەرکرن و دەست ب سەر کۆژمێ ٢٣ کیلۆ و ٥٢٥ گرام ماددەیێن بێ هۆشکەر و ٣٧ هزار و ٧٧٢ دەستێن حەبکێن بێ هۆشکەر دا هاتینە گرتن.
لگورى وێ ڕاگەهاندنێ، ئەڤرۆ د چالاکیەکێ دا باندەکا حەفت کەسى یا بازرگانیکرنا ب ماددەیێن بێ هۆشکەر هاتە دەستەسەرکرن، کۆ هژمارەکا بازرگانێن مەزنن.
دەست ب سەر کۆژمەکا زۆر ماددەیێ بێ هۆشکەر دا هات گرتن و ماددە ژى ژ جۆرێن:
١.کۆژمێ ٤ کیلۆ و ٥٣٥ گرام ماددەیێ کریستال.
٢.کۆژمێ ٣ کیلۆ و ٥٠٠ گرام ماددەیێ هێرۆیین.
٣.کۆژمێ ٢ کیلۆ و ٧٠٠ گرام ماددەیێ حەشیش.
٤.کۆژمێ ئێک کیلۆ و ٧٩٠ گرام ماددەیێ جامایکا.
٥.کۆژمێ ٣٧ هزار و ٧٧٢ دەستێن حەبکێن ماددەیێ بێ هۆشکەر ژ جۆرێن (ترامادۆل، سۆمادریل، میتادۆن).
د چالاکیەکا دى دا د رۆژا ٢٠ێ ڤێ مەهێ دا سێ تۆهمەتبار دەستەسەرکرن و دەست ب سەر شەش کیلۆ گرامێن ماددەیێن بێ هۆشکەر ژ جۆرێ هێرۆیین دا هاتە گرتن، کو دناڤ جەگێ ترۆمبێلەکا مەزن دا هاتبوونە ڤەشارتن.
هەر ل گۆرەى وێ ڕاگەهاندنێ، د چالاکیەکا دى دا ل رۆژا ٢٠ێ ڤێ مەهێ، کارمەندێن ڕێڤەبەریا ئاسایشا بالەفڕخانەیا ناڤدەولەتیا هەولێرێ شیان دەست ب سەر پێنج کیلۆ گرام ماددەیێ بێ هۆشکەر ژ جۆرێ تریاکێ دا بگرن، کو دناڤ مووکێت و چەند بلاچکتۆرەکان دا هاتبوون ڤەشارتن و دڤیان ب رێکا کۆمپانیەکا ڤەگوهاستنێ رەوانەی وەلاتێ بەریتانیا بکەن.
ڕێڤەبەریا بەرهنگاربوونا مادەیێن بێ هۆشکەر دەربارەى تۆهمەتباران ئەو چەندە گوتیە، هەمى تۆهمەتبار ل پێشیا دادوەرێ ڤەکۆلینێ دانپێدان ب تاوانێن خۆ کریە و لگورى ماددەیێ ٢٥ێ یاسایا ماددەیێن بێ هۆشکەر پەرێن ڤەکۆلینێ بۆ ڤەکرنە.
د.ش
