فۆتۆ:
2021-06-22
294 جار خوێندراوەتەوە
ژ ژێدەرەکێ نەدیار تەشویش خستە سەر پەخشێ ئێن ئاڕ تى.
پشتى کۆ بۆ دەما نیڤ دەمژمێرێ تەشویش خستیە سەر کەنالێ ئێن ئاڕ تى تیما تەکنیکیا ئێن ئاڕ تى مژیلى چارەسەرکرنا وێ ئاریشەیێ بوون.
د نها دا ئەو ئاریشە چارەسەر کریە و پەخشێ ئێن ئاڕ تى ب ئاوایەکێ ئاسایی یێ خۆ ڕەنگەکێ ناڤخۆى و ئاسمانى بەردەوامە.
ئەڤە ئێکەم جار نینە بزاڤا رێگیرى ل پەخشێ ئێن ئاڕ تى و رومالێن وێ بهێتەکرن، ئێن ئاڕ تى ژبلى رویبرویبوونا تەشویشێ، رویبروى داخستن و شکاندنا کەلوپەلێن وێ بوویە.
پشتى رێگیریکرن ژ رومالا ئێن ئاڕ تى د شەڤا دەربازبووى دا، کو کارزان تاریق نووچەگەهانێ ئێن ئاڕ تى و محەمەد حەسەنێ وێنەگر ل پێشیا نەخۆشخانەیا شار دا بوون بۆ رومالا زانیاریان لسەر بوویەرا شەرەتەقەیا سلێمانیێ، لێ رێگیری لێ کر و بۆ دەما نیڤ دەمژمێرێ دەستەسەرکرن.
د مەها ئابا سالا دەربازبووى دا، هەر ئێک ژ نڤیسینگەهێن هەولێر و دهۆک یێن ئێن ئاڕ تى داخستن و د مەها کانونا ئێکێ ژى دا، ئوفیسا سەرەکى یا ئێن ئاڕ تى ل سلێمانیێ بۆ دەما دوو حەفتیان هات داخستن و رێک ل پەخشێ وێ هات گرتن.
د.ش