فۆتۆ:
2021-06-22
85 جار خوێندراوەتەوە
ڕاگەهاندنا پەرلەمانێ کوردستانێ ڕاگەهاندنەک دەربارەى نووچەیێ دەستەسەرکرنا فەرمانبەرەکێ خۆ ب ماددەیێن بێ هۆشکەر بەلاڤکریە و تێدا هاتیە، "ئەو فەرمانبەرێ ب توهمەتا بکارئینانا ماددەیێن بێ هۆشکەر دەستەسەرکرى، فەرمانبەرەکێ ئاسایی یێ پەرلەمانی یە و ژ دەرڤەى ئەرکێ وى هاتیە دەستەسەرکرن".
پشتى کو شەڤا دەربازبووى نووچەیێ دەستەسەرکرنا فەرمانبەرەکێ پەرلەمانێ کوردستانێ بەلاڤبوویە، پەرلەمانێ کوردستانێ د ڕاگەهاندنەکێ دا دبێژیت، "ئەو فەرمانبەرە ب توهمەتا بکارئینانا ماددەیێن بێ هۆشکەر هاتیە دەستەسەرکرن، فەرمانبەرەکێ ئاسایی یێ پەرلەمانێ کوردستانێ یە و سالا ٢٠١٣ێ ل ڕاگەهاندنا پەرلەمانى هاتیە دامەزراندن".
ئاماژە ب وێیەکێ کریە، وى فەرمانبەرى پەیوەندى ب کارێ دەستەیا سەرۆکایەتیا پەرلەمانێ کوردستانێ ڤە نەبوویە و وێنەگرێ سەرۆک یان جێگر یان سکرتێرێ پەرلەمانى نەبوویە و بتنێ فەرمانبەرەکێ ئاسایی بوویە، ئەو ژى هاتیە، "ئەو فەرمانبەرە ژ دەرڤەى پەرلەمانى و ژدەرڤەى ئەرکێ فەرمى دا هاتیە دەستەسەرکرن".
شەڤا دەربازبووى، ل هندەک ڕۆپەلێن تۆرێن جڤاکى نووچەیەک بەلاڤبوو، کو فەرمانبەرەکێ ناڤ پەرلەمانێ کوردستانێ، د ئاڤاهیێ پەرلەمانى دا ب زێدەترى ٧٠ گرام تلیاکێ هاتە دەستەسەرکرن و دەستپێکێ بەحسا وێیەکێ دکر کو وێنەگرێ پەرلەمان و سەرۆکێ پەرلەمانیە.
د.ش