فۆتۆ:
2021-06-22
93 جار خوێندراوەتەوە
سەنتەرێ میترۆ بۆ داکۆکیکرن ژ مافێ رۆژنامەڤانان دەربارى هێرشکرنا سەر تیمێن کەنالێن ڕاگەهاندنێ د دەما رومالکرنا شەرەتەقەیا شەفا دەربازبووى یا سلێمانیێ ڕاگەهاندنەک بەلاڤکریە و دبێژیت، "رۆژنامەڤان گەف نینن بۆ سەر سەقامگیری و ئارامیا سلێمانیێ بەلکو ئەو هێزە گەفن کو تەقەیێ ل هێزێن فەرمى دکەن و بێ منەتن ژ یاسایێ".
سەنتەرێ میترۆ بۆ داخازکرن ژ مافێ رۆژنامەڤانان د ڕاگەهاندنەکێ دا نڤیسیە، "پشتى بوویەرا شەڤا دەربازبووى یا سلێمانیێ، نووچەگەهانێن کەنالێن ڕاگەهاندنێ بەرێ خۆ دا نەخۆشخانا شار ب مەرەما زانینا هژمارا قوربانیێن وێ بوویەرێ، هێزەکا ئەولەهیێ کو ل نێزیک وێ نەخۆشخانەیێ هاتبوو بەلاڤکرن، رێگرى ل وان تیمان کر، "هێزێن ئەولەهیێ هێرشکرنە سەر تیما کەنالێ ئێن ئاڕ تى" کارزان تاریق و محەمەد حەسەن" و بۆ دەمەکى د ترۆمبێلەک میگزەمین دا دەستەسەرکرن".
کارزان تاریق نووچەگەهانێ ئێن ئاڕ تى ب میترۆ ڕاگەهاندیە، هێزێن ئەولەهیێ دەست ب سەر مۆبایل و کەلوپەلێن رۆژنامەڤانیێن وێ تیمێ دا گرتن و د ترۆمبێلەکا وێ هێزێ دا هێلاینە، پشتى نێزیکى نیڤ دەمژمێرێ ئازاد کرینە و کەلوپەلێن وان بۆ ڤەگەراندینە.
کارزان ب میترۆ گوتیە، وان هێزان گوتەیێ ، "ل وان دەڤەران دوور کەڤن رومال قەدەغەیە"
دەربارەى وێیەکێ سەنتەرێ میترۆ گوتیە، "رۆژنامەڤان گەف نینن بۆ سەر سەقامگیرى و ئارامیا باژێرێ سلێمانیێ هەیا هێزا ئەولەهیێ و هێزێن نەنیاس ب هێزێ سەرەدەریێ دگەل دا بکەن، ئەوێن گەفن بۆ سەر سەقامگیریێ؛ ئەو هێزەنە یێن کو تەقێ ل هێزێن فەرمى دکەن و بێ مەنتن ژ یاسایێ".
شەڤا دەربازبووى شەرەتەقە دناڤبەرا دوو هێزێن سەر ب یەکێتیێ ڤە ل باژێرێ سلێمانیێ روویدا و ب وێ سەدەمێ ١٠ کەس برینداربوون.
دەما ٢٠ حۆلەکان شەرە تەقە دناڤبەرا دوو هێزێن ئەولەهیێ یێن سەر ب یەکێتیێ بەردەوام بوو و هێزەکا زۆرا ئەولەهیێ دناڤ باژێرێ سلێمانیێ دا هاتنە بەلاڤکرن.
ئەڤە ئێکەم جار نینە شەرەتەقە دناڤبەرا هێزێن سەر ب یەکێتیێ ل سلێمانیێ روویدا، د مەها شوباتا ئەڤ سالە دا، ل زلگەها تاسلوجە یا باژێرێ سلێمانیێ ئالوزى و شەرەتەقە دناڤبەرا دوو هێزێن یەکێتیێ دا دروستبوو، ب وێ سەدەمێ کارمەندەکێ ئاسایشێ بناڤێ شاخەوان ئەحمەد موحەمەد ژیانا خۆ ژدەست دا و پێنج کارمەندێن دى ژى برینداربوون.
د.ش