فۆتۆ:
2021-06-22
448 جار خوێندراوەتەوە
ئاسایشا سلێمانیێ دەربارەى بوویەرا شەرەتەقەیا شەڤا دەربازبووى یا تاخێ سەرچنار ڕاگەهاند، شوفێرەک پابەند نەبوو ب رێکار و رێنمایێن یاسایی و پشتى ئاریشە دروستکرنێ، هێزەکا چەکدار ب ئاوایەکێ دەرچوون ژ یاسایێ بکارئینان و چووینە سەر وێ هێزا ئەولەهیێ کو دئەرکیدا بوون و ب تەقەکرنێ روویبرووى هێزێن هەڤبەش بوویینە".
ئاسایشا سلێمانیێ ڕاگەهاندنەک دەربارەى بوویەرا شەرەتەقەیا شەڤا دەربازبووى یا تاخێ سەرچنار بەلاڤکریە و تێدا هاتیە، ئو بوویەر دەمژمێر ١١و ٣٠ خولەکى شەڤا دەربازبووى بوویە، دبێژیت، ئەو هێزە ب هەڤبەشى دگەل هێزێن ئەولەهیێ ل لژنەیا ئەولەهیێ ل پارێزگەها سلێمانیێ د ئەرکەکێ فەرمى دابوون.
دەربارەى سەدەما وێ بوویەرێ ئاماژە ب وێیەکێ کریە، " شوفێرەک پابەند نابیت ب رێکار و رێنمایێن یاسایی و پشتى ئاریشە دروستکرنێ، هێزەکا چەکدار ب شێوازەکێ دەرچوون ژ یاسایێ بکارئینان و چووینە سەر وێ هێزا ئەولەهیێ یا د ئەرکى دا بوون، ب تەقەکرنێ روویبرووی هێزێن هەڤبەش بووینە و ب تەڤایی شەش کارمەندێن هێزێن ئاسایشا سلێمانیێ و کارمەندەکێ هێزێن هەوارهاتنا ڕێڤەبەریا پۆلیسێن سلێمانیێ برینداربوو و رەوانەی نەخۆشخانێ کرینە ب مەرەما چارەسەریێ".
ئاسایشا سلێمانیێ دبێژیت، رێکارێن یاسای دێ بۆ لژنەیا ڤەکۆلینێ بجهـ هێلین.
شەڤا دەربازبووى شەرەتەقە دناڤبەرا دوو هێزێن سەر ب یەکێتیێ ڤە ل باژێرێ سلێمانیێ روویدا و ب وێ سەدەمێ ١٠ کەس برینداربوون.
دەما ٢٠ حۆلەکان شەرە تەقە دناڤبەرا دوو هێزێن ئەولەهیێ یێن سەر ب یەکێتیێ بەردەوام بوو و هێزەکا زۆرا ئەولەهیێ دناڤ باژێرێ سلێمانیێ دا هاتنە بەلاڤکرن.
ئەڤە ئێکەم جار نینە شەرەتەقە دناڤبەرا هێزێن سەر ب یەکێتیێ ل سلێمانیێ روویدا، د مەها شوباتا ئەڤ سالە دا، ل زلگەها تاسلوجە یا باژێرێ سلێمانیێ ئالوزى و شەرەتەقە دناڤبەرا دوو هێزێن یەکێتیێ دا دروستبوو، ب وێ سەدەمێ کارمەندەکێ ئاسایشێ بناڤێ شاخەوان ئەحمەد موحەمەد ژیانا خۆ ژدەست دا و پێنج کارمەندێن دى ژى برینداربوون.
د.ش