فۆتۆ:
2021-06-22
371 جار خوێندراوەتەوە
پەیڤدارێ پۆلیسێن سێلمانیێ ڕاگەهاند، دەمژمێر ٥ێ سەرێ سپێدەیا ئەڤرۆ تەرمێ وەلاتیەکێ بناڤێ (جوانڕۆ کەرێم) ل گوندێ پەلکەڕەش سەر ب ناحیا دێگەلە ڤە هاتە دیتن و ناڤهاتى پێشمەرگەبوو ل وەزارەتا پێشمەرگەی.
ئەڤرۆ سێشەمبى، هۆگر عەزیز پەیڤدارێ پۆلیسێ هەولێرێ د ڕاگەهاندنەکێ دا بەحسا وێیەکێ کر، تەرمێ وەلاتیەکێ ل گۆندێ پەلکەڕەش سەر ب ناحیا دێگەلە ڤە هاتیە دیتن و ئەو وەلاتى پێشمەرگە بوویە ل وەزارەتا پێشمەرگەی.
پەیڤدارێ پۆلیسێن هەولێرێ ئاماژەى ب وێیەکێ ژى کر، ناڤێ وى وەلاتى (جوانڕۆ کەریم)ە و ژیێ وى ٤٤ سال بوون، پشتى گەهشتنا هێزێن پۆلیسان بۆ جهێ وێ بوویەرێ، دەرکەفتیە کو ئەو وەلاتى پێشمەرگەیە ل وەزارەتا پێشمەرگەی.
هۆگر عەزیز بەحسا وێیەکێ ژى کر، د نها دا پۆلیسان دەست ب ڤەکۆلینێ کریە بۆ گەهشتن ب سەدەما ڕاستى و روونیا بوویەرێ، د دەمەکێ نێزیک دا دێ پتر زانیاریان دیارکەین.
هەڤدەم، هونەرمەند جەزاى ساز کو ئەندامێ دەستەیا بلندا کومەلا هونەرمەندێن مللى یێن کوردستانێ یە ل فەیسبووکى بەلاڤکریە، تەرمێ هونەرمەند جوانڕۆى بالەبان ل هەولێرێ هاتە دیتن.
پشتى کو شەڤا دەربازبووى ژ مال دەردکەڤیت، لێ ناڤەگەریتە مالێ و دەمژمێر ٥ێ سەرێ سپێدەیا ئەڤرۆ تەرمێ هونەرمەند جوانرۆ بالەبان ل دێگەلە هاتە دیتن
د.ش
