فۆتۆ:
2021-06-22
369 جار خوێندراوەتەوە
ئەندامەکێ پەرلەمانی دبێژیت ئەو بڕیارێن ژ دادگەهێن هەرێمێ دەردکەڤن ب بڕیارێن سیاسین دبینین، دبێژیت ژی، "دەستێوەردانێن حزبی بلندترن ژ یێن دادگەهێ".
سیپان ئامێدی ئەندامێ پەرلەمانێ کوردستانێ لسەر فراکسیۆنا نەوەی نوێ بۆ ئێن ئاڕ تی ڕاگەهاند، هەمی ئەو بڕیارێن ژ دادگەهێن هەرێما کوردستانێ دەردکەڤن بۆ کەیسا دەستەسەرکریێن بەهدینان ب بڕیارێن سیاسی دبینین.
بەحسا وێیەکێ ژی کر، "هەر بڕیارەکا دەردکەڤیت ب بڕیارەکا دەستێوەردانێن حزبی دبینین و ب بەروڤاژی یاسایێ دبینین"، دبێژیت ژی، "دەستێوەردانێن حزبی بلندتر بووینە د دادگەهێ دا ژ وێیەکێ کو دادگەهـ بخۆ رۆلێ خۆ ببینیت، ژبەرکو بڕیارا پێشوەختا سەرۆکێ حکومەتا هەرێما کوردستانێ بوو".
ئەڤە ددەمەکیدایە، ئەڤرۆ پارێزەرەکێ خۆبەخش یێ کەیسا سزادایێن بەهدینان بۆ ئێن ئاڕ تی ڕاگەهاند دەستەسەرکریەکێ دیێ بەهدینان بۆ دەمێ سالەک و دوو مەهان هاتە سزادان و پارێزەرێ وی ژی دبێژی، "مە تانە ل بڕیارا دادگەهێ دایە".
ئاماژە ب وێیەکێ ژی کر، کو ئومێد بەرۆشکی ئێک ژ دەستەسەرکریێن بەهدینان بوو، ژ سەرجەمێ شەش کەیسێن لسەر هاتینە تۆمارکرن، سێ کەیس ب ڕێڤە چووینە و سێ یێن دی هاتە پاشدائێخستن.
هـ.ئـ