فۆتۆ:
2021-06-22
627 جار خوێندراوەتەوە
جەعفەر شێخ مستەفا جیگرێ سەرۆکێ هەرێما کوردستانێ ڕاگەهاند، "ئەرکەکێ گران لسەر ملێ پۆلیس و ئاسایشێ یە و ئەرکێ وانایە رێگریێ ل یاسا شکینان بکەن".
بەحسا وێیەکێ ژی کر، "ئەز نەشێم چ ئالیان لسەر بویەرا شەڤا دەربازبووی تۆهمەتباربکەم".
جیگرێ سەرۆکێ هەرێمێ دبێژیت ژی، "دنهادا ئەو چاڤەرێی ڤەکۆلینا دادگەهێ دکەن و هەبوونا برینداران د روبرووبونێ دا ئەز خەمبارکرم".
ئەڤەد دەمەکی دایە، ژێدەرەکی بۆ ئێن ئاڕ تی ڕاگەهاند، شەڤا دەربازبووی شەرەتەقە دناڤبەرا دوو هێزێن سەر ب یەکێتی ڤە ل سلێمانیێ روویدا و شەرژی دناڤبەرا هێزێن پۆلیس و ئاسایش ل ئالیەکێ و هێزێن ئالتۆنی یێن کۆماندویێ ل ئالیەکێ دی بوو.
بەحسا وێیەکێ ژی کر، بۆ دەما ٢٠ خۆلەکان شەرەتەقە بەردەوامبوو و هێزەکا زۆرا ئەمنی ژی دناڤا باژارێ سلێمانیێ دا هاتبوو بەلاڤکرن.
ئەڤە نە ئێکەم جارە شەرەتەقە دناڤبەرا هێزێن سەر ب یەکێتیێ ڤە ل سلێمانیێ رووددەت، ل مەها شوباتا ئەڤ سالەدا دناڤ زالگەها تاسلوجەیا سەر ب پارێزگەها سلێمانیێ ڤە شەرەتەقە دناڤبەرا هێزێن کۆماندویا یەکێتیێ و ئاسایشا زالگەها تاسلوجەدا روویدا و ب وێ سەدەمێ ژی شەش کارمەندێن ئاسایشێ و چار کارمەندێن کۆماندویێ بریندارببوون و شاخەوان ئەحمەد ژی بریندارببوو کو ژ رێزێن ئاسایشێ بوو، پشترە ژیانا خۆ ژ دەستدا.
و.ح