فۆتۆ:
2021-06-22
104 جار خوێندراوەتەوە
بەرپرسێ یەکەیا ٧٠ یا هێزێن پێشمەرگەی ڕاگەهاند، ئاریشەیا تەقەیا شەڤا دەربازبووی ل سلێمانیێ هاتیە چارەسەرکرن.
مستەفا چاڤڕەش بەرپرسێ یەکەیا ٧٠ یا هێزێن ئێکەتیێ ڕاگەهاند، ئەڤرۆ سێ شەمبێ ل بارگەهێ یەکەیێن ٧٠ جڤینەک ئەنجامدایە و ئاریشا تەقەیا شەڤا دەربازبووی چارەسەرکریە، دبێژیت ژی، "د جڤینێ دا نوینەرێ تەڤایا هێزێن ئەمنی و نوینەرێ جەعفەر مستەفای ژی ئامادەبووینە و ب لهەڤهاتن و رازیبوونا هەمیان ئاریشە هاتیە چارەسەرکرن".
مستەفا چاڤڕەش ئاماژە ب وێیەکێ ژی کریە، "ئالیێن کێمترخەم ژی د روویدانێ دا دێ راستی دادگەهێ هێنە کرن".
ژێدەرەکی بۆ ئێن ئاڕ تی ڕاگەهاند، شەڤا دەربازبووی شەڕ دناڤبەرا پۆلیس و ئاسایشێ ژ ئالیەکێ ڤە و هێزێن ئالتۆنی یێن کۆماندویێ ژ ئالیەکێ دی ڤە بوو.
بەحسا وێیەکێ ژی کر، دەما ٢٠ خولەکان شەڕە تەقە دناڤبەرا وان هەردوو هێزێن ئەمنی یێن ئێکەتیێ دا بەردەوام بوو هێزەکا مەزنا ئێکەتیێ ژی دناڤا باژێرێ سلێمانیێ دا هاتیە بەلاڤکرن.
ئەڤە ئێکەم جار نینە شەڕەتەقە دناڤبەرا هێزێن سەر ب ئێکەتیێ دا روویبدەت، ل مەها شوباتا ئەڤسالە، ل ناڤ زالگەها تاسلوجە یا سەر ب پارێزگەها سلێمانیێ شەڕە تەقە دناڤبەرا هێزەکا کۆماندۆیا ئێکەتیێ و ئاسایشا زالگەهێ دا دروستبوو و ب وی سەدەمی ژی شەش کارمەندێن ئاسایش و چار کۆماندۆ برینداربوون و شاخەوان ئەحمەد ژی کو ل رێزێن هێزێن ئاسایشێ بوو، ژیانا خۆ ژ دەستدا.
هەر ل مەها شوباتێ، ل سلێمانیێ شەڕەتەقە دناڤبەرا ئەڤسەرەکێ بەرەڤانیا باژێری و کوڕێ ئەندامەکێ مەکتەبا سیاسیا ئێکەتیێ دا دروستبوو و بافل تالەبانی هەڤسەرۆکێ ئێکەتیێ ڕاگەهاند، "د ڤێ زۆنا مە دا ئەڤ تشتە ناهێتە قەبیلکرن".
هـ.ئـ