فۆتۆ:
2021-06-22
1368 جار خوێندراوەتەوە
دەستەسەرکریەکێ دیێ بەهدینان بۆ دەمێ سالەک و دوو مەهان هاتە سزادان و پارێزەرێ وی ژی دبێژی، "مە تانە ل بڕیارا دادگەهێ دایە".
پارێزەرەکێ خۆبەخش یێ کەیسا سزادایێن بەهدینان بۆ ئێن ئاڕ تی ڕاگەهاند، کو ئێک ژ دەستەسەرکریێن دی یێن بەهدینان ب سالەک و دوو مەهان هاتە سزادان.
ئاماژە ب وێیەکێ ژی کر، کو ئومێد بەرۆشکی ئێک ژ دەستەسەرکریێن بەهدینان بوو، ژ سەرجەمێ شەش کەیسێن لسەر هاتینە تۆمارکرن، سێ کەیس ب ڕێڤە چووینە و سێ یێن دی هاتە پاشدائێخستن.
بەحسا وێیەکێ ژی کر، ژ سێ کەیسێن ب ڕێڤەچووین لسەر دوو کەیسان سزایێ شەش مەهانە کو د بیتە سالەک و کەیسەکێ ژی ب کۆژمێ ٢٤٠ هزار دینارێن عێراقى لسەر هاتیە سەپاندنـ.
رێڤینگ یاسین پارێزەرێ خۆبەخش یێ وێ کەیسێ دبێژت، "مە تان ل وێ بڕیارا دادگەهێ دایە و مە نەرازیبوونا خۆ ڕاگەهاندیە".
ئومێد حاجی بەرۆشکی ل ٢٠ مەها ئابا سالا ٢٠٢٠ێ دگەل ٧٥ رۆژنامەڤان و چالاکڤانێن دی هاتیە دەستەسەرکرن وەک رۆژنامەڤان و چالاکڤان ل باژێرێ دهۆکێ کاردکر.
هـ.ئـ