فۆتۆ:
2021-06-22
450 جار خوێندراوەتەوە
ئاژانسا ئەنادۆل یا تورکی ڕاگەهاند، "د ئۆپەرسیۆنەکێ دا دەزگەهێ هەوالگێریا تورکیا (میت) مە سەردەیەکێ پەکەکێ ل سلێمانیێ بناڤێ ئولاش دۆغان کوشتیە".
د ڕاگەهاندنەکا دەزگەهێ هەوالگێریا تورکیا (میت) هاتیە، ئۆلاش دۆغان کو ناسناڤێ وی ئۆلاش دێرسیم بوویە، د ١٣ی ڤێ مەهێ دا کوشتیە. ئەڤەژی هەڤدەمە دگەل بۆمبەبارانا تورکیا ل سنورێ باژێرکێ هەلشۆ ل قەلادزێ.
ل گورەی ڕاگەهاندنا دزگەهێ میت، "ئۆلاش دۆغان، رێکخەرێ چالاکیێن کوشتن و رەڤاندنا وەلاتیێن تورک بوویە ل هەرێما کوردستانێ. هەروەسا ب ناڤێ پەکەکێ خەلکێ سڤیل پال ددا ل دژی تورکیا و کەربو کین بەلاڤدکر و نەوەیی دکرن و زانیاریێن کەسایەتیێن تورک ل هەرێمێ کومدکرن".
ئێن ئاڕ تی پەیوەندی ب پەیڤدارێ هەپەگە کر، لێ پەیوەندی بەردەست نەبوو.
ل هەمبەر ڕاگەهاندنا دزگەهێ میت، هەیا نها دەزگەهێن پەکەکێ چ زەلالکرنەک دەربارەی راستی و دروستیا بابەتی بەلاڤنەکرینە.
هـ.ئـ