فۆتۆ:
2021-06-22
553 جار خوێندراوەتەوە
پێشمەرگەیەکێ خۆبەخش ژبەر بێ پارەیی گولچیسکا خۆ فروتیە بۆ بڕێڤەبرنا ژیانا خۆ، دبێژت ژی، پارەیێ کڕینا شیرێ زارۆیێ خۆ نینە.
بسەدەمێ ئاریشەیەکا جڤاکی و خرابیا رەوشا ئابوری یا ژیانێ پێشمەرگەیەکی ل زاخۆ گولچیسکا خۆ فرۆتیە، دبێژیت ژی، بسەدەمێ رەوشا نە باش یا ژیانێ دبیت ئەندامەکێ دی ژی یێ لەشێ خۆ بفرۆشم.
دەربارەی فرۆتنا گولچیسکێ ژی دبێژیت، "من گولچیسکا خۆ ل باژێرێ سلێمانیێ فرۆتیە ب کوژمێ ١١ ملیۆن و ٥٠٠ هزار دیناران"، دبێژت ژی، "چەند پێشمەرگەیێن دی ژی دگەل من خۆ بەخش بوون و گولچیسکێن خۆ فرۆتینە ژبەر بێ پارەیی بۆ بڕێڤەبرنا ژیانا خۆ".
بەحسا وێیەکێ ژی کر، کو رەوش وەسا خرابە هەیا نکاریت شیرێ زارۆیێ خۆ یێ شیرخۆر بکڕیت.
ئەڤە ددەمەکیدایە، چەندین جاران پێشمەرگەی ب جلۆبەرگێن سەربازی ژبەر رەوشا خراب یا ژیانێ داخازا هاریکاریان کرینە.
هـ.ئـ