فۆتۆ:
2021-06-22
588 جار خوێندراوەتەوە
شەڤا دەربازبووی شەرەتەقە دناڤبەرا دوو هێزێن سەر ب یەکێتیێ ڤە ل سلێمانیێ روویدا و ب وێ سەدەمێ ژی ١٠ کەس برینداربوون.
دوێ دەربارێ دا، ئومێد عەلی رێڤەبەرێ نەخۆشخانەیا شار ل سلێمانیێ ڕاگەهاند، "ساخلەمیا هەموو بریندارێن شەڤا دەربازبووی ل تاخێ سەرچنار جیگرە و مەترسی لسەر ژیانا وان نینە".
ئاماژە ب وێیەکێ ژی کر، "دبویەرێ دا ١٠ کەس ژ هەردوو هێزێن ئاسایش و هێزێن ئالتۆنی برینداربوون و بۆ نەخۆشخانەیا شار هاتینە ڤەگوهاستن".
ژێدەرەکی بۆ ئێن ئاڕ تی ڕاگەهاند، شەڤا دەربازبووی شەرەتەقە دناڤبەرا دوو هێزێن سەر ب یەکێتی ڤە ل سلێمانیێ روویدا و شەرژی دناڤبەرا هێزێن پۆلیس و ئاسایش ل ئالیەکێ و هێزێن ئالتۆنی یێن کۆماندویێ ل ئالیەکێ دی بوو.
بەحسا وێیەکێ ژی کر، بۆ دەما ٢٠ خۆلەکان شەرەتەقە بەردەوامبوو و هێزەکا زۆرا ئەمنی ژی دناڤا باژارێ سلێمانیێ دا هاتبوو بەلاڤکرن.
ئەڤە نە ئێکەم جارە شەرەتەقە دناڤبەرا هێزێن سەر ب یەکێتیێ ڤە ل سلێمانیێ رووددەت، ل مەها شوباتا ئەڤ سالەدا دناڤ زالگەها تاسلوجەیا سەر ب پارێزگەها سلێمانیێ ڤە شەرەتەقە دناڤبەرا هێزێن کۆماندویا یەکێتیێ و ئاسایشا زالگەها تاسلوجەدا روویدا و ب وێ سەدەمێ ژی شەش کارمەندێن ئاسایشێ و چار کارمەندێن کۆماندویێ بریندارببوون و شاخەوان ئەحمەد ژی بریندارببوو کو ژ رێزێن ئاسایشێ بوو، پشترە ژیانا خۆ ژ دەستدا.
و.ح