فۆتۆ:
2021-06-22
764 جار خوێندراوەتەوە
سەرێ سپێدەهیا ئەڤرۆ ل گوندێ تەلوە ل سنورێ پارێزگەها دهۆکێ کەسەکی ٣٦ سالی برایێ خۆیێ ٢٢ سالی کوشت و خۆ ڕادەستی پۆلیسان کر.
هێمن سلێمان پەیڤدارێ پۆلیسێن پارێزگەها دهۆکێ بۆ ئێن ئاڕ تی ڕاگەهاند، سەرێ سپێدەهیا ئەڤرۆ دەمژمێر ٤:٣٠ خۆلەک ل گوندێ تەلوە ل ناحیا زاویتەیا سنورێ وێ پارێزگەهێ کەسەکی ٣٦ سالی برایێ خۆ یێ ٢٢ سالی کوشت و پشترە خۆ ڕادەستی پۆلیسان کر.
گوت ژی، ل گۆر گوتنا وی کەسێ برایێ خۆ کوشتی، برایێ وان گوهداریا وان نەدکر و بەردەوام ئاریشەیێن نەیاسای و خرابی و سەرپێچی دکرن و گوهداریا وان نەدکر، گوت ژی، شەڤا دەربازبووی زێدەتری دوو دەمژمێران دگەل ئاخفتیە و شیرەت لێ کرنە لێ وی وەرنەگرتنە و بویە سەدەمێ شەری و برایێ مەزن ژی گولە لبرایێ بچیکدانە و ژیانا خۆ ژ دەستدایە.
ئاماژە ب وێیەکێ ژی کر، تەرمێ کەسێ هاتیە کوشتن بۆ نوژداریا داد ل دهۆکێ هاتیە ڤەگوهاستن و پەرێن ڤەکۆلینێ ژ ئالیێ پۆلیسان ڤە هاتنە ڤەکرن بۆ دیارکرنا راستیا بابەتی.
تائیف گۆران، دهۆک
و.ح