فۆتۆ:
2021-06-22
373 جار خوێندراوەتەوە
ل دەما روومالا ئالۆزیێن ئەڤ شەڤە یێن سلێمانیێ و ل پێشیا نەخۆشخانا شار هێزێن ئەولەکاریێ هێرشی سەر تیما ئێن ئاڕ تی کرن و رێگری لێکرن روومالێ بکەن.
ئەڤ شەرەتەقە دناڤبەرا دوو هێزێن سەر ب یەکێتی ڤە ل سلێمانیێ روویدا و ب وێ سەدەمێ ژی نەهـ کەس برینداربوون.
ژێدەرەکی بۆ ئێن ئاڕ تی ڕاگەهاند، شەر دناڤبەرا پۆلیس و ئاسایشێ ژ ئالیەکێ ڤە و هێزێن ئالتۆنی یێن کۆماندویێ ژ ئالیەکێ دی ڤە بوویە و بریندار بۆ نەخۆشخانا شارا سلێمانیێ هاتنە ڤەگوهاستن و ڕەوشا ساخلەمیا دوو ژ برینداران نەیا جیگرە.
هەڤدەم، نووچەگەهانێ ئێن ئاڕ تی ڕاگەهاند، وان پەیوەندی ب هەمی ئالیێن پەیوەندیدارێن سلێمانیێ کریە، لێ چ ژ وان پەیوەندیان لبەر دەست نەبوون.
نووچەگەهانێ ئێن ئاڕ تی بەحسا وێیەکێ ژی کر، دەما ٢٠ خولەکان شەرە تەقە دناڤبەرا وان هەردوو هێزێن ئەمنی یێن یەکێتیێ دا بەردەوام بوو هێزەکا مەزنا یەکێتی ژی دناڤا باژارێ سلێمانیێ دا هاتیە بەلاڤکرن.
و.ح