فۆتۆ:
2021-06-21
118 جار خوێندراوەتەوە
لگورەى وەزارەتا پێشمەرگەى، فەرماندەیا هێزێن ٧٠ێ یا پێشمەرگەى ئامادەیی دەربڕیە هێزێن پشتەڤانى دوو بێخنە سەر وەزارەتێ.
وەزارەتا پێشمەرگەى د ڕاگەهاندنەکێ دا بەڵاڤکریە، "د نامەکا فەرمى دا، فەرماندێ هێزێن ٧٠ێ یێن پێشمەرگەى ئاڕاستەى شۆرەش ئیسماعیل وەزیرێ پێشمەرگەی کریە، تێدا ئامادەیی یا وێ فەرماندەیێ بۆ وەزارەتا پێشمەرگەی دەربڕیە، کو هێزێن پشتەڤانیا دوو یا یەکەیا ٧٠ێ، بێخنە سەر وەزارەتا پێشمەرگەى".
ئاماژە ب وێیەکێ ژى کر، " گرێدایی ب وێ پرسێ وەزارەتا پێشمەرگەی، ستایشا ڤەگەریانا هەردوو هێزێن پشتەڤانى (ئێک و دوو)یا یەکەیێن ٧٠ و ٨٠یێ دکەت، ل ناڤەندا بەرپرسایەتیا نیشتیمانى و نەتەوایەتى ژى بۆ دروستکرنا هێزەکا هەڤگرتى یا سەربازى یا سەردەم و داخاز دکەت، د پێنگاڤێت بهێت دا سەرجەم هێز ل ژێر سیبەرا وەزارەتا پێشمەرگەی دا کۆم ببن".
وەزارەتا پێشمەرگەى راگەهاند ژى، "پێنگاڤێن ڤەگەراندنا هێزان بۆ سەر وەزارەتا پێشمەرگەی ژ ئەنجامێ لەزاتیا پڕۆسەیا ریفۆرما سەربازیە و ئاراستەیا کاروانێ چاکسازیێ ل وەزارەتا پێشمەرگەى دێ بەردەوام بیت".
هەر ئەڤرۆ، ماتیۆ تولەر بالیۆزێ ئەمریکا ل عێراقێ دگەل وەزیرێ پێشمەرگەی جڤیا و گوتییە، "رەوشا نها و داهاتیێ دەڤەرێ، پێدڤی ب ئێکرێزى و هەڤگرتنا هێزەکا نیشتیمانى یا بهێز یا پێشمەرگەی هەیە"، گوتیە ژى، "دەربارەی ڤێ یەکێ هاریکارى و هەماهەنگیا مە دێ بۆ وەزارەتا پێشمەرگەی بەردەوام بیت".
ل هەرێما کوردستانێ، هێزێن ٧٠ سەر ب ئێکەتی یێ نە و هێزێن ٨٠ سەر ب پارتی یێ ڤەنە، چەند لیوایەکێن هەڤبەش ل وەزارەتا پێشمەرگەی هاتینە پێکئینان، دەما چەند سالەکانە بەرپرسێن هەرێمێ بەحسا بزاڤێن خۆ دکەن بۆ یەکخستنا وان هێزان، لێ هەیا نها ئەو هێزە نەبوونە ئێک.
د.ش