فۆتۆ:
2021-06-21
979 جار خوێندراوەتەوە
عیسا موحەمەد گەنجەکێ خەلکێ زاخۆ یە و ل ١٦ێ ڤێ مەهێ د شەهیانەکێ دا ل دەما لێنانا خارنێ دکەڤیتە د ناڤ قازانا خارنێ دا و ب وێ سەدەمێ پشتى حەفتیەک ێد نەخۆشخانەیێ دا ئەفرۆ ژیانا خۆ ژ دەست دا.
کەسوکارێن وى گەنجى بۆ ئێن ئاڕ تى دیارکر، "پشت هاتینە هایدارکرن کو بوویەرەک ب ڤی ئاوایی روویدایە ئەم د هەوارێ چووین و رەوانەی نەخۆشخانا هەوارهانێ ل زاخۆ کربوو"، گوت ژى، "لگورەى ڕاپورتا نوژدارى ٦٥% شەوتیە، و هەتا ڕادەکێ چارەسەرى بۆ هاتبووکرن لێ نۆژداران حەفتیەک بۆ دانا بوو ژبۆ چارەسەر ببیت و ژیێ وى ٢٥ سالن و خێزاندارە و بابێ سێ زارۆکانە".
هۆستایێ دگەل دا کار دکەت بۆ ئێن ئاڕ تى ڕاگەهخاند، "نێزیکى پێنج سالە دگەل مە دا کار دکر، بوویەر دەمژمێر ١ و نیڤى نیڤرۆ روویدا و قازانێن مەزن ل پشت بوون و پشت و پشت کەفت د ناڤ قازانا خارنێ دا، پشتى گازیکرنێ مە ژێ دەرخست و رەوانەیی نەخۆشخانە یا هەوارهاتنا زاخۆ کر، نێزیکى شەش رۆژان مایە د نەخۆشخانێ دا".
ل ١٦ێ ڤێ مەهێ عیسا موحەمەد کەفت بوو دناڤ قازانا خارنێ دا ل هۆلەکا شەهیانا ل باژێرێ زاخۆ د دەما دروستکرنا خارنێ دا و پشتى حەفتیەکێ د نەخۆشخان ێدا ژیانا خۆ ژدەست دا، بۆ دەما پێنج سالانە کارێ لێنانا خارنێ دکەت و ژیێ وى ٢٥ سالن بابێ سێ زارۆکانە.
د.ش