فۆتۆ:
2021-06-21
310 جار خوێندراوەتەوە
ئەندامەکێ پەرلەمانێ کوردستانێ ڕاگەهاند، دەستهەلاتا هەرێمێ بەرەڤ نەمانێ دچیت و گەندەلی دێ حکومەتێ هەرفینیت، گوتژی، ئەڤ دەستهەلاتە ژ هەرفینێ و ژناچوونێ نێزیکبوویە و ئێک پالا بچویک مایە.
ئەبوبەکر هەلەدنی ئەندامێ پەرلەمانێ کوردستانێ د پانۆرامایا ئێن ئاڕ تی دا ڕاگەهاند، ئەوا ڤێ دەستهەلاتێ د هەرفینیت، گەندەلی و نەپاقژی و نە عەدالەتیە، گەندەلی ب زنجیرەیی ل هەرێما کوردستانێ دهێتە کرن.
وی ئەندام پەرلەمانی بەحسا وێیەکێ ژی کر، ئەوێن پشتەڤانیا حکومەتێ دکەن ئەون یێن داهاتێ ڤی وەلاتی دخۆن، بەحسا وێیەکێ ژی کر، "ئاڤ ژی بۆ دەستهەلاتدارێن هەرێمێ ژ دەرڤە دهێت".
دەربارەی کوچکرنا گەنجان بۆ دەرڤەی وەلاتی ئەبوبەکر هەلەدنی گوت، بسەدەمێ کوچکرنێ وەلاتێ مە ژ گەنجان هاتیە چۆلکرن.
ئەڤە ددەمەکیدایە، ژیانا وەلاتیان ل هەرێمێ د رەوشەکا خراپ دا بڕێڤەدچیت زێدەباری نەبوونا کاری و دەلیڤێن دامەزراندنێ، موچەیێ فەرمانبەرێن هەرێمێ دهێتە بڕین یان گیرۆ دبیت یان ژی هەر نادەن، بهایێ دیناری ل هەمبەر دۆلاری داکەتیە و کەلوپەلێن خارنێ گرانبووینە، زێدەباری گرانبوونا بهایێ پەنزینێ.
هەروەسا شارەزا بەحسا وێیەکێ دکەن، باندوریا سیاسی و ئابوری ل هەرێمێ بوینە سەدەمێ زیانگەهاندنێ ب وەلاتیان و چەندین خێزان ژبەر رەوشا ئابوری ژناڤچووینە، هەڤدەم بەشەکێ زێدە یێ وەلاتیان ژ گەنج و خێزانا بەرەڤ وەلاتێن ئەرۆپی دچن و بڤێیەکێ ژی رێژەیا گەنجان ل هەرێمێ دێ هێتە خارێ.
هـ.ئـ