فۆتۆ:
2021-06-21
291 جار خوێندراوەتەوە
وەزارەتا بازرگانی و پێشەسازیا هەرێمێ ڕاگەهاند، ل رۆژا سێ شەمبێ ٢٢/٦/٢٠٢١ ئێکەم رۆژا دەست پێکا وەرگرتنا گەنمێ جوتیارێن ل تەڤایا سایلویێن هەرێمێ یە.
نەوزاد کامیل ڕێڤەبەرێ گشتیێ بازرگانیا هەرێمێ ل وەزارەتا بازرگانی و پێشەسازیا هەرێمێ ڕاگەهاندنەک بەلاڤکریىە و تێدا ئەشکرا کر، "ئێڤاریا ٢٠/٦/٢٠٢١ ژ ئالیێ وەزارەتا بازرگانیا حکومەتا فیدڕال هاتینە هایدارکرن کو هەرێم دێ دەست ب وەرگرتنا گەنمێ جوتیاران کەت".
دبێژیت ژی، ل گورەی ئەو پلانا هاتیە دانان بۆ وەرگرتنا گەنمی ل سایلویان، داخاز ژێ کریە رۆژا سێ شەمبێ ٢٢/٦/٢٠٢١ وەک ئێکەم رۆژا دەست پێکا وەرگرتنا گەنمی ل تەڤایا سایلویێن هەرێمێ ڕادگەهینین.
د بەشەکێ دیێ ڕاگەهاندنێ دا هاتیە، داخاز ژ جوتیاران دهێتە کرن پابەندی رێکارێن دیارکری بن بۆ گەهاندنا گەنمێ خۆ بۆ سایلویان.
ئەڤە ددەمەکیدایە، حەفتیا دەربازبووی ڕێڤەبەرێ گشتی یێ بازرگانیا هەرێمێ ل وەزارەتا بازرگانی و پێشەسازی ڕاگەهاند، د جڤینا هەردوو وەزارەتێن چاندنێ یێن حکومەتا فیدڕال و حکومەتا هەرێما کوردستانێ دا بڕیار هاتە دان بۆ ئەفسالە ٣٧٥ هزار تەنێن گەنمی ژ جوتیارێن هەرێمێ وەربگرن.
هـ.ئـ