فۆتۆ:
2021-06-20
746 جار خوێندراوەتەوە
پشتی نیڤرۆیا ئەڤرۆ ژنەکا رزگاربوویا دەستێ داعشێ کو ئاکنجیا کەمپا قادیایە دگەل سێ زارۆکێن خۆ ژ مال دەرکەتیە و هەیا نها چارەنڤێسێ وان نەدیارە.
نەزار سەمیر برایێ هەڤژینێ وێ ژنا بێ سەروشین بۆ ئێن ئاڕ تی ڕاگەهاند، پشتی نیڤرۆیا ئەڤرۆ هەڤژینا برایێ وی بناڤێ سەلما عەباس ئیسماعیل کو ژیێ وێ ٣٥ سالن و رزگاربوویا دەستێ داعشێ یە، دگەل سێ زارۆکێن خۆ ژ مال دەرکەتیە و هەیا نها ئەو چ تشتا ژ چارەنڤێسێ وان نزانن.
گوت ژی، هەڤژینا برایێ وی نە دگەل مالباتێ و نەژی دگەل چ کەسێن دی چ ئاریشە نەبووینە و ژ روویێ ساخلەمیێ ڤەژی چ ئاریشەیێن دەروونی نەبوون و یا ساخلەمبوو.
ئاماژە ب وێیەکێ ژی کر، ئەوان وەکو مالباتا سەلمایێ پۆلیس دگەل جڤاتا رووحانیا ئێزدیان لسەر بوویەرێ هادیارکرنە و پۆلیسان ژی دەست ب ڤەکۆلینێن خۆ کریە لێ هەیا نها چارەنڤیسێ وان نەدیارە.
سەلما عەباس ئیسماعیل ژیێ وێ ٣٥ سالن و خەلکا گوندێ کوچوویە و ئاکنجیا کەمپا قادیایە ل سنورێ ناحیا باتێلێ ل قەزا سێمێلێ، هەروەسا بەریا نها هەڤژینێ وێ ژی ژ ئالیێ داعشێ ڤە هاتبوو کوشتن.
نەزیر شنگالی
و.ح