فۆتۆ:
2021-06-20
327 جار خوێندراوەتەوە
دکۆنفڕانسەکێ رۆژنامەڤانیدا هەر ئێک ژ یەکێتی و گۆران بفەرمی ئیمزا لسەر لهەڤهاتن بۆ پێکڤە بەژداریکرنێ دهەلبژارتنێن پەرلەمانێ عێراقێدا کرن.
د وێ دەربارێ دا ئاماژە ب وێیەکێ کرن، وەسا دبینن کو پێکڤە دشێن هەماهەنگیا زێدەتر بکەن و ئارێشا چارەسەربکەن، گوتن ژی، "ل هەرێمێ چەند جیاوازبین ل بەغدا مە پێتڤی ب ئێک و دوویە".
دەربارەی ئاریشەیێن وەلاتیان ژی بەحسا وێیەکێ کرن، "پشتی هەلبژارتنان ئەم دشێن لسەر ئەجیندایەک و بەرنامەیەکێ باش ئاریشەێن دەربازبووی یێن بودجە و مووچە و بەریکێن خەلکی چارەسەربکەین".
زەلالژی کریە، کاندیدێن وان دێ کاندیدێن هەڤپەیمانیەتیێ بن و وەکی ئێک لیستا هەلبژارتنان کارێن خۆ کەن، ئەگەر ئەو پێکڤەبن دێ سەرکەڤن و هەرێم دێ ئارام بیت.
ل ٣٠ی مەها نیسانا ئەڤ سالەدا، ئەو یەک ڕاگەهاندن کو یەکێتی و گۆران دێ پێکڤە بەژداریێ دهەلبژارتنێن عێراقێ دا کەن. بڕیارە هەلبژارتنێن پەرلەمانێ عێراقێ ل مەها تشرینا ئێکێ یا ئەڤ سالەدا برێڤەبچن و ل ٣١ی ئادارێ ژی دا پەرلەمانێ عێراقێ بڕیاردا ل مەها تشرینا ئێکێ خۆ ب هەلوەشینیت ئەگەر هەلبژارتن برێڤەچوون.
و.ح