فۆتۆ:
2021-06-20
73 جار خوێندراوەتەوە
جێگرێ سەرۆکێ هەرێما کوردستانێ ڕاگەهاند، پێتڤیە کڤانێ وەزارەتا پێشمەرگەی بهێتە رێکخستن و هەڤپەیمان ژی ب وی مەرجی دێ هەڤکاریا هێزێن پێشمەرگەی کەن.
جەعفەر مستەفا جێگرێ سەرۆکێ هەرێما کوردستانێ د کونگرەیێ دووێ یێ کومەلا پێشمەرگەیێن دێرین دا ڕاگەهاند، "د نهادا هەرێم و ئەزمونا وێ دناڤبەرا تاقیکرنا وەلاتێن زلهێز و وەلاتێن دەڤەرێ و شلوڤێ بۆ دکەن و هەر وەلاتەک ژی ل گورەی بەرژەوەندیێن خۆ مامەلە دگەل رەوشێ دکەت و پێتڤیە ئەم دوژمنایەتیا بگۆهڕین بۆ دوستایەتی و ئاگرێ شەڕێ ژ هەرێما خۆ دویربئێخین".
دەربارەی شەڕێ دناڤبەرا پەکەکە و تورکیا دا جەعفەر مستەفا دبێژیت، "ئەم دخازین ئەڤ ئاریشە ب رێیا دیالۆکێ ب داوی بهێن و شەڕ و ئالوزیان ژ هەرێما خۆ دویربئێخین".
جێگرێ سەرۆکێ هەرێمێ ئاماژە ب وێیەکێ ژی کر، "پێتڤیە ئێکرێزیێ و ئاشتیا کۆمەلاتی ڤەگەڕینین بۆ خەلکێ کوردستانێ و ژیانەکا خۆش بۆ وەلاتیێن هەرێما کوردستانێ دابینبکەین و ئەوا هاتیە کرن کێم نینە، لێ پێتڤی بوو زێدەتر و باشتر هاتبا کرن".
ڕاگەهاندیە ژی، "پێـتڤی بوو پەیوەندیێن مە دگەل حکومەتا ناڤەندی و وەلاتێن دونیایێ و هەڤپەیمانێن ناڤدەولەتی و وەلاتێن زلهێز بهێزتر بانە و پێتڤی ژی بوو پەیوەندیێن مە دگەل هێزێن پارچەیێن دی یێن کوردستانێ باشتر و ب هێزتر بانە و ئەڤ ئەرکە ژی ب رەنگەکێ سەرەکی ل ستویێ پارتی و ئێکەتیێدایە".
ل هەرێما کوردستانێ، هێزێن ٧٠ سەر ب ئێکەتیێ نە و هێزێن ٨٠ سەر ب پارتی نە، چەند لیوایێن هەڤبەش ژی ل وەزارەتا پێشمەرگەی هاتینە پێکئینان، دەمێ چەند سالانە بەرپرسێن هەرێمێ بزاڤان دکەن بۆ رێکخستنا وان هێزان، لێ هەیا نها هێزێن وان نەهاتینە رێکخستن.
هـ.ئـ