فۆتۆ:
2021-06-20
81 جار خوێندراوەتەوە
وەزارەتا کارەبا هەرێما کوردستانێ ڕاگەهاند، بسەدەما ئاریشەیا تەکنیکى بەرهەمئینانا کارەبێ کێمبوویە و دبێژیت، "داخازێ ژ وەلاتیان دکەین کارەبێ ب هەدەر نەدن".
وەزارەتا کارەبا هەرێما کوردستانێ زەلالکرنەک بەلاڤکر و تێدا هاتیە، "د دەما چەند رۆژێن دەربازبووی دا، ب سەدەما ئاریشەیێن تەکنیکى، بەرهەمئینانا کارەبێ ژ ٣ هزار و ٤٠٠ مێگاواتان بۆ سێ هزار مێگاواتان کێمبوویە".
ئاماژە ب وێیەکێ ژى کر، "دگەل وێ یەکێ ژى بسەدەما بلندبوونا پلەیێن گەرمێ، خاست لسەر بەرهەمئینانا کارەبای زێدەبوویە، ب ئاوایەکى ل دەستپێکا مەها حوزەیرانێ دا، خاست ل سەر کارەبێ سێ هزار و ٨٠٠ مێگاوات بوون، لێ دنها دا بۆ چار هزار و ٤٠٠ مێگاواتان بلندبوویە".
وەزارەتا کارەبێ ڕاگەهاند ژى، "ئاریشەیێن تەکنیکیێن وێستگەهێن ژکارکەفتى ل ڤان نێزیکان دێ هێنە چارەسەرکرن و بەرهەمئینانا کارەبێ دێ گەهیتە ئاستەکێ بلند".
دیار کر ژى، "داخازێ ژ وەلاتیان دکەین کارەبێ ب هەدەر نەدەن و ئەو ئامیر و گلۆپێن کو زێدە پێدڤى نینن کێم بکەن، ب تایبەت ئەوێن هەڤبەشێن پیڤەرێن زیرەک نە گرێدایی و دگەهیتە ٥٢%ێ یا هەڤبەشێن کارەبێ".
ئەگەر چ تەڤایا کابینەیێن حکومەتا هەرێمێ سوزا باشترکرنا رەوشا کارەبێ دایە، لێ سالانە دگەل هاتنا وەرزێ سارما و گەرمایێ دا ئاریشە ژ کێمیا دەمژمێرێن کارەبێ ل هەرێما کوردستانێ دروست دبیت.
د.ش