فۆتۆ:
2021-06-20
253 جار خوێندراوەتەوە
زێدەبارى وێیەکێ د دەما دەربازبووى دا حکومەتا هەرێمێ پارە بۆ نەخۆشخانەیا هیوا نەشاند، لێ پشتى کەمپینەکا ئێن ئاڕ تى د نها دا حکومەتا هەرێمێ بڕیار دا، مەهانە کۆژمێ ملیارەک و ٦٠٠ ملیۆن دیناران بۆ نەخۆشخانەیێن تایبەت ب چارەسەربوویێن پەنجەشێرێ ل هەرێما کوردستانێ ب مەزێخیت.
لگورەى نڤیسارەکێ کو ئیمزا ئومێد سەباح سەرۆکێ دیوانا جڤاتا وەزیران لسەرە هاتیە، بڕیار هاتیە دان مەهانە کۆژمێ ملیارەک و ٦٠٠ ملیۆن دیناران بۆ نەخۆشخانەیێن تایبەت ب چارەسەرکرنا توشبوویێن پەنجەشێرێ ل هەرێما کوردستانێ ب مەزێخیت، بۆ کرینا دەرمان و دابینکرنا ئامیر و تاقیگەهـ و پێدڤیێن نۆژدارى.
د وێ نڤیسارێ دا ئەو یەک ژى هاتیە، ٧٠٠ ملیۆن دینار بۆ نەخۆشخانەیا هیوا ل سلێمانیێ و ٦٠٠ ملیۆن دۆلار بۆ نەخۆشخانەیێن رزگارى و نانەکەلى و ٣٠٠ ملیۆن دینار ژى بۆ نەخۆشخانا ئازادی ل دهۆکێ دێ هێتنە تەرخانکرن.
ئاماژە ب وێەیکێ ژى کر، کۆژم ملیارەک و ٢٧ ملیۆن و ٦٠٠ هزار دینار مەهانە ل شوینا نۆرینگە (بدل عیادە) دێ هێتە مەزاختن.
دوهى ژى، مەسرور بارزانى سەرۆکێ حکومەتا هەرێمێ پشتى کەمپینەکا ئێن ئاڕ تى ڕاگەهاند، "نابیت چ کێماسى و پاشڤەکێشان ژ وان خزمەتگوزارێن ساخلەمى دا بهێەکرن، کو دێ پێشکێشى نەخۆشخانەیا هیوا هێتە کرن".
ئەڤ گوتنێن سەرۆکێ حکومەتێ د دەمەکى دایە، کو حکومەتا هەرێمێ بۆ دەمەکێ درێژە پارە بۆ نەخۆشخانەیێ نەشاندیە و ئەو نەخۆشخانە پشت گوه خستیە.
یاد نەقشبەندى ڕێڤەبەرێ نەخۆشخانەیا هیوا ل تاوتوێ یا ئێن ئاڕ تى ڕاگەهاند، ب سەدەما کەمپینەیا "حەفتیا کۆمکرنا هاریکاریان بۆ نەخۆشخانەیا هیوا"، کو کەنالێ ئێن ئاڕ تى ئەو کەمپینەیە ڕێکخستبوو، د نها دا پارەکێ زێدە وەک هاریکارى چوویە بۆ نەخۆشخانا هیوا.
بسەدەما نەبۆ نا پارەی و دەرمانن پێدڤى، رەوشا نەخۆشخانەیا هیوا د نها دا بەرەڤ خرابیێ چوویە، حەفتیا دەربازبووى ژى بەشەک ژ نۆژدار و کارمەندێن نەخۆشخانەیێ بسەدەما وەرنەگرتنا شایستەیێن دارایی کارێن خۆ ڕاگرتن.
ژبەریا نها ژى، سەباح هورامى ڕێڤەبەرێ ساخلەمیا سلێمانیێ ڕاگەهاندبوو، دەما شەش مەهانە حکومەتا هەێمێ شایستەیێن دارایی و هاریکاریێن نەخۆشخانەیا هیوا ڕاگرتنە.
د نها ژى دا، کەنالێ ئێن ئاڕ تی کەمپینەک بناڤێ "حەفتیا کومکرنا هەڤکاریان بۆ نەخۆشخانەیا هیوا" ڕاگەهاند، کو تێدا دێ هەڤکاریان بۆ وێ نەخۆشخانێ و توشبوویێن پەنجەشێرێ کومڤەکەن.
بەرپرسێن کەنالێ ئێن ئاڕ تی ڕاگەهاند، کەمپین دێ بۆ دەما ئێک حەفتی بەردەوام بیت و هەڤکاریان بۆ نەخۆشخانەیا هیوا کومڤەکەتن کو تایبەتە بۆ چارەسەرکرنا توشبوویێن پەنجەشێرێ، چەند کەسایەتیێن جیاواز دکەمپینێ دا بەژدارن.
د.ش