فۆتۆ:
2021-06-20
834 جار خوێندراوەتەوە
پۆلیسێن هەولێرێ ڕاگەهاند، ل کومەلگەهەکا سەر ب ناحیا قوشتەپە ڤە شەڕ دناڤبەرا دوو جیرانان دا روویدا، و ب وێ سەدەمێ کەسەکى ژیانا خۆ ژدەست دا و پێنج کەسێن دى ژى برینداربوون.
ئەڤرۆ ئێکشەمبى، هۆگر عەزیز پەیڤدارێ پۆلیسێن هەولێرێ ڕاگەهاند شەڤا دەربازبووى ل کومەلگەها گردک و رۆستى سەر ب ناحیا قوشتەپە یا سەر ب پارێزگەها هەولێرێ ڤە شەڕ دناڤبەرا دوو خێزانان دا روویدا، کو جیرانێن ئێک بوون.
هۆگر عەزیز دیارکر ژى، ب سەدەما وى شەڕى کەسەکى ژیانا خۆ ژدەست دایە و پێنج کەسێن دى ژى برینداربوون.
ئاماژە ب وێیەکێ ژى کر، پشتى وێ بوویەرێ پۆلیسان دەست ب ڤەکولینێ کریە و ب وێ سەدەمێ شەش تۆهمەتبار دەستەسەرکرن و پەرێن ڤەکۆلینێ بۆ ڤەکرینە.
هەر ئەڤرۆ، سەرکەوت ئەحمەد پەیڤدارێ پۆلیسێن سلێمانیێ ڕاگەهاند، ل دوکانەکێ ل تاخەکێ سلێمانیێ کەسەکى تەقە ل دوو برایان کر و ئێک ژوان ژیانا خۆ ژدەست دا و کریارەک ژى برینداربوون.
د.ش