فۆتۆ:
2021-06-20
697 جار خوێندراوەتەوە
پەیڤدارێ پۆلیسێن سلێمانیێ ڕاگەهاند، ل دوکانەکێ ل تاخەکێ سلێمانیێ کەسەکى تەقە ل دوو برایان کریە و ئێک ژوان ژیانا خۆ ژدەست دایە.
سەرکەوت ئەحمەد پەیڤدارێ پۆلیسێن سلێمانیێ ڕاگەهاند، شەڤا دەربازبووى ل تاخێ هوانەیێ باژێرێ سلێمانیێ کەسەک چوویە دکانەکێ و ل وێرێ دگەل خۆدانێ دوکانێ، کو دوو برابوون بۆیە شەڕە دەڤ.
دیار ژى کر، پشتى وێ چەندێ ئەو کەسە چوویە و ب چەک ڤە ڤەگەریایە ڤە و تەقە ل دوکانێ کریە، دبێژیت ژى، ب وێ سەدەمێ ئێک ژ دوو برایان ژیانا خۆ ژدەست دایە و کریارەک ژى ل وێرێ برینداربوویە، لێ برینا وى گران نینە.
پەیڤدارێ پۆلیسێن سلێمانیێ ئاماژە ب وێیەکێ ژى کر، ناسناما تەقەکەرى هاتیە دیارکرن و دنها دا ب دویڤ دا دگەرهن بۆ دەستەسەرکرنا وى.
رۆژا ئەینى یا دەربازبووى، د ئاهەنگەکێ دا ل ناحیا تەق تەق یا سەر ب کۆیە ڤە کچەک دایە بەر گولەیان و ژیانا خۆ ژدەست دایە.
د.ش