فۆتۆ:
2021-06-20
289 جار خوێندراوەتەوە
سەرۆکێ هەرێمێ و سەرۆکێ حکومەتێ ب جۆدا پیرۆزباهیێ ل سەرۆکێ هەلبژارتیێ ئیرانێ دکەن و داخازکر کار پێکڤە بکەن بۆ بهێزکرنا پەیوەندیان.
نێچیرڤان بارزانى سەرۆکێ حکومەتا هەرێما کوردستانێ د پەیامەکێ دا هیڤیا سەرکەفتنێ بۆ ئیبراهیم رەئیسى خاست و گۆت، هیڤیدارم پەیوەندیێن هەرێما کوردستانێ و عێراقێ دگەل کۆمارا ئیسلامیا ئیرانێ لسەر بنەمایێ جیرانەک باش و بەرژەوەندیێن هەڤبەش پتر گرنگیێ پێ بدەت.
هەڤدەم، مەسرور بارزانى سەرۆکێ حکومەتا هەرێمێ د تویتەکى دا پیرۆزباهى ل ئیبراهیم رەئیسى کر و نڤیسیە، حکومەتا هەرێمێ ئامادەیە بۆ کارێ پێکڤە بۆ بهێزکرنا پەیوەندیێن دەم درێژێن وان لسەر بنەمایێ بەرژەوەندیێن هەڤبەش و رێز و بەرەڤ پێشبرنا ئاشتى و سەقامگیریا دەڤەرێ.
ئەڤە ژى د دەمەکى دایە، رۆژا شەمبی، پرۆسەیا هەلبژارتنێن سەرۆکایەتیا ئیرانێ برێڤەچوون و پشتى ٢٤دەمژمێران ژ داخستنا بنگەهێن دەنگدانێ ئەنجامێن وێ ڕاگەهاندن و تێدا ئیبراهیم رەئیسى ب پرانیا دەنگان وەکو سەرۆک کۆمارێ ئیسلامی یا ئیرانێ هاتە هەلبژارتن و دۆسەیێن ڤەگێرانا باوەریێ بۆ حکومەتێ و باشتر کرنا ژیارا خەلکى و چەکێ ئەتۆمى و پەژیکا کۆرۆنایێ ب تەحەدایێن هەمبەر سەرۆکێ نوى یێ ئیرانێ دهێنە دانان.
د.ش