فۆتۆ:
2021-06-20
216 جار خوێندراوەتەوە
ڕێڤەبەرێ نەخۆشخانەیا هیوا ڕاگەهاند، ب سەدەما کەمپینەیا "حەفتیا کۆمکرنا هاریکاریان بۆ نەخۆشخانەیا هیوا"، کو کەنالێ ئێن ئاڕ تى ئەو کەمپینەیە ڕێکخستبوو، د نها دا پارەکێ زێدە وەک هاریکارى چوویە بۆ نەخۆشخانا هیوا.
یاد نەقشبەندى ڕێڤەبەرێ نەخۆشخانەیا هیوا ل تاوتوێ یا ئێن ئاڕ تى دا ئاماژە ب وێیەکێ کر، شەش مەهن نۆژدارێن نەخۆشخانەیا هیوا دەرمانێن خۆ وەرنەگرتینە و "ئەگەر کارمەند موچەی وەرنەگریت دێ چەوا شێی لێپرسینێ دگەل دا کێ"؟
دیار ژى کر، "د دەربازبووى دا داهاتێ جگارە و مەشروب و هاتن و چونێ دهاتە سندوقا پەنجەشێرێ، لێ هەیا نها وى داهاتى ب رێژەیەکا کێمتر د داناینە سندوقێ".
یاد نەقشبەندى ڕاگەهاند ژى، دەرمانان ب رێژەیەکێ کێمکریە کو توشبوویێن پەنجەشێرێ خستنە د رەوشەکا مەترسیدار دا، لێ د ناڤەراستا ڤێ حەفتیێ دێ ئاریشەیا دەرمانان ل نەخۆشخانەیا هیوا چارەسەر بیت".
دوهى ژى، مەسرور بارزانى سەرۆکێ حکومەتا هەرێمێ پشتى کەمپینەکا ئێن ئاڕ تى ڕأگەهاند، "نابیت چ کێماسى و پاشڤەکێشان ژ وان خزمەتگوزارێن ساخلەمى دا بهێەکرن، کو پدێ پێشکێشى نەخۆشخانەیا هیوا هێتە کرن".
ئەڤ گوتنێن سەرۆکێ حکومەتێ د دەمەکى دایە، کو حکومەتا هەرێمێ ب خۆ دەمەکێ درێژە بۆ وێ نەخۆشخانەیێ نە شاندیە نەخۆشخانە پشت گوهێ خۆ هاڤێتیە.
ژبەریا نها ژى، سەباح هورامى ڕێڤەبەرێ ساخلەمیا سلێمانیێ ڕاگەهاندبوو، دەما شەش مەهانە حکومەتا هەێمێ شایستەیێن دارایی و هاریکاریێن نەخۆشخانەیا هیوا ڕاگرتنە.
د نها ژى دا، کەنالێ ئێن ئاڕ تی کەمپینەک بناڤێ "حەفتیا کومکرنا هەڤکاریان بۆ نەخۆشخانەیا هیوا" ڕاگەهاند، کو تێدا دێ هەڤکاریان بۆ وێ نەخۆشخانێ و توشبوویێن پەنجەشێرێ کومڤەکەن.
بەرپرسێن کەنالێ ئێن ئاڕ تی ڕاگەهاند، کەمپین دێ بۆ دەما ئێک حەفتی بەردەوام بیت و هەڤکاریان بۆ نەخۆشخانەیا هیوا کومڤەکەتن کو تایبەتە بۆ چارەسەرکرنا توشبوویێن پەنجەشێرێ، چەند کەسایەتیێن جیاواز دکەمپینێ دا بەژدارن.
د.ش