فۆتۆ:
2021-06-20
187 جار خوێندراوەتەوە
ڕێڤەبەرێ بالەفڕخانەیا ناڤدەولەتی یا هەولێرێ ڕاگەهاند، ڤەلڤینا گەشتیارى و هاتن و چوون ل بالەفڕخانەیا هەولێرێ زێدەبوویە، دبێژیت ژى، "ئەگەر وەلاتێن ئەوروپى ڤیزەیێ بدەن ل وى دەمی ب ئاوایەکێ بەرچاڤ ڤەلڤینا گەشتیارى دێ زێدەکەت".
ئەحمەد هۆشار ڕێڤەبەرێ بالەفڕخانەیا ناڤدەولەتیا هەولێرێ بۆ ڕۆپەلا پارتى ڕاگەهاند، "زێدەبارى کۆرۆنایێ ڤەلڤینا هاتن وچوون و گەشتیارى ل بالەفڕخانەیا هەولێرێ زێدەبوویە"، دبێژیت ژى، "هەیا کو وەلات دەرگەهێ خۆ پتر ڤەکەن ڤەلڤینا گەشتیارى و هاتن و چوونێ دێ زێدەتر بیت. ژبەرکو پەیوەندى دگەل هەمى وەلاتان هەیە وەک تورکیا و وەلاتێ، عەرەبى و وەلاتێن ئەوروپى".
دیار ژى کر، ئەو ل چاڤەرێ یا وێ چەندێ نە کو کارئاسانیێن زێدەتر بهێنە کرن و ئەگەر هات و وەلاتێن ئەوروپى ڤیزا گەشتیارى بدەنە گەشتیاران ل وى دەمى دێ ڤەلڤین زێدەتر بیت ژبەرکو هەیا نها ڤیزا گەشتیارى دەستپێنەکریە و چاڤەرێى وێیەکێ نە ل داهاتیەکێ نێزیک دەستپێبکەن.
ل داویا سالا ٢٠١٩ێ بسەدەما بەلاڤبوونا ڤایرۆسا کۆرۆنایێ هاتن و چوونا دناڤبەرا پرانیا وەلاتان دا ڕاوەستا کو وێ ژى کارگەرى لسەر ژیانا وەلاتیان کر، لێ پاشى و پشتى دروستکرنا ڤاکسینا کۆرۆنایێ هاتن و چوونا دناڤبەرا وەلاتان دا ئاسایی بوویە.
د.ش