فۆتۆ:
2021-06-19
131 جار خوێندراوەتەوە
نوینەرێ حکومەتا هەرێمێ ڕاگەهاند، چەند مەهەکە ژ بەریا نها سەرۆکێ هەلبژارتیێ ئیرانێ ئالیێن کوردى دیتینە و ب وان ڕاگەهاندیە، ئیران دژی دانانا دەستورەکێ بۆ هەرێمێ نینە ئەگەر هەڤدژى دەستورێ عێراقێ نەبیت.
نازم دەباغ حکومەتا هەرێمێ ل ئیرانێ بۆ دەنگێ ئەمریکا ڕاگەهاندیە، ئیبراهیم رەئیسى سەرۆکێ هەلبژارتیێ ئیرانێ، چەند مەهەکە ژ بەریا نها سەرۆکێ دەسهەلاتا دادوەرى دگەل شاندەکێ هەرێما کوردستانێ ب سەرۆکایەتیا هوشیار زێبارى ل بەغدا دیتیە و ئاماژە ب وێیەکێ کریە، ئاگەهدارى سەرجەم ئاریشە و ئالوزیێن دناڤبەرا هەرێمێ و بەغدا دانە.
دیارکر ژى، پەیوەندیا دناڤبەرا کورد و ئیرانێ ژمێژەیە و مێژوویەک هەیە ژبەر وێیەکێ هەلبژارتنێن بەروەختێن عێراقێ کار لسەر سیاسەتا وەلاتێ وان لهەمبەر هەرێمێ و بەغدا ناکەت.
ب گوتنا نازم دەباغ، "ئیبراهیم رەئیسى گازندە ژ حکومەتا هەرێمێ کرینە دەربارەى ڤەحەواندنا ئەو کەسێن ژ ئالیێ دادگەها ئیرانێ ڤە بۆ هەرێمێ د ڕەڤن و داخازا هاریکارى و هەماهەنگیێ ژ مە کر".
دەربارەى هێرشێن تورکیا بۆ سەر پەکەکێ ئاشکەراکر ژى، کو لگورەى ئیرانێ نابیت سنورێن چ وەلاتان بهێنە بەزاندن و کەفتیە سەر هەرێمێ ژى کا چەند رێ ب هاتنا ئارتێشا تورکیا بۆ سەر هەرێمێ ددەت و پێتڤیە ئاخا هەرێمێ ژى بۆ هێرشکرنا سەر وەلاتێن جیران نەهێتە بکارئیینان.
ئەڤە ژى د دەمەکى دایە، دوهى پرۆسەیا هەلبژارتنێن سەرۆکایەتیا ئیرانێ برێڤەچوون و ئەڤرۆ ئەنجامێن وێ ڕاگەهاندن و تێدا ئیبراهیم رەئیسى ب پرانیا دەنگان وەکو سەرۆک کۆمارێ ئیسلامی یا ئیرانێ هاتە هەلبژارتن و دۆسەیێن ڤەگێرانا باوەریێ بۆ حکومەتێ و باشتر کرنا ژیارا خەلکى و چەکێ ئەتۆمى و پەژیکا کۆرۆنایێ ب تەحەدایێن هەمبەر سەرۆکێ نوى یێ ئیرانێ دهێنە دانان.
د.ش