فۆتۆ:
2021-06-19
871 جار خوێندراوەتەوە
پشتی بەلاڤبوونا هندەک ژ وێنە و ڤیدیۆیان کو ل پەرستگەها لالش هاتبوونە تۆمارکرن، بسەدەمێ لبەر کرنا هندەک ژ جلوبەرگێن نە گونجای دگەل وی جهی و ب پێلاڤ چوینە دناڤا پەرستگەها لالش دا، گروپێ ئاشتی یێ هونەری پەیامەکا رۆهنکرنێ بەلاڤکر و داخازا لێبۆرینێ کر.
جەوهەر عەلی بەگ شێورمەندێ میرێ ئێزدیان بۆ ئێن ئاڕ تی ڕاگەهاند، پشتی نەرازیبوونا جاددا وەلاتیێن ئێزدیان، مە دروسترکرنا کلیپان ب ئێکجارێ ل پەرستگەها لالش قەدەغە کریە.
دەقێ رۆهنکرنا گروپێ ئاشتی یێ هونەری دەربارەی بڕیارا جڤاکا ئێزدیان:
ڕۆهنکرن ژ گروپێ ئاشتی یێ هونەری
ئەم وەک گروپێ ئاشتی یێ هونەری سەبارەت بابەتێ وێنەکرنا کلێپەکێ ل پەرستگەها لالش کو مەژی تێدا بەشداری کربوو لێ ئەم بۆ خەلکێ خوە ڕادگەهینن کو ئەو کارێ هاتیە کرن و ئەو زێدەگاڤیێن لسەر پەرستگەهێ هاتینە کرن ب چو ڕەنگان دەربرینێ ژمە ناکەن و ئەم دگەل هندێ دانە هەموو سازیێن بەرپڕس ب ئەرکێ خوە ڕابن و ڕێکێ نەدەن ئەو ڤیدیۆ کلێپە بهێتە بەلاڤکرن.
مە وەکو گروپێ ئاشتی بێی چو بەرامبەرەکی ئانکو دراڤەکی مە بەشداری دئەڤێ کلێپێ دا کربوو ، ئەوژی وەکە هەست و سۆزەک بۆ ئاین و داب ونەریتێن مە یێن ئێزدیان مە بڕیار دا ب چلوبەرگێن ڕەسەن یێن ئێزدیان بەشداریێ دڤێ ڤیدیۆیێ دا بکەن و نە زێدەتر.
ئەگەر مە هەستێن هەر کەسەکی بریندار کربن ئەم لڤێرێ دبێژین مە ئەڤ یەکە ب ئەنقەست ئانکو ب پلان نەکریە و ئەم داخوازا لێبۆرینێ ژ ملەتێ خوەیێ ئێزدی دکەین.
ڕەنا سلێمان . ڕاهێنەر و بەرپڕسا گروپێ ئاشتی یێ هوونەری
١٩/٦/٢٠٢١