.jpg)
فۆتۆ:
2021-06-19
403 جار خوێندراوەتەوە
سەرۆکێ حکومەتا هەرێمێ ڕاگەهاند، "نابیت چ کەمترخەمى و پاشڤەکێشان د وان خزمەتگوزاریێن ساخلەمیێ دا بهێتەکرن کرن، کو دێ پێشکێشى نەخۆشخانەیا پەنجەشێرێ هێتەکرن".
لگورەی ڕاگەهاندنا نڤیسینگەها سەرۆکێ حکومەتا هەرێمێ، ئەڤرۆ شەمبى، مەسرور بارزانى پەیوەندیی یا تەلەفونى بۆ سامان بەرزنجى وەزیرێ ساخلەمیێ و سەباح هەورامى ڕێڤەبرێ ساخلەمیا سلێمانیێ کرییە.
د وێ ڕاگەهاندنێ دا ئاماژە ب وێیەکێ ژى کریە، "ڤەکولین لسەر ئاریشە و پێدڤیێن نەخۆشخانەیا هیوا کرن، و ڕاسپاردن، کو ب زویترین دەم ڤەکولینەکا پێدڤى بکەن و ئاریشە و کێماسیێن وێ نەخۆشخانەیێ چارەسەر بکەن".
دیار کر ژى، "مەسرور بارزانى پشتەڤانیا حکومەتا هەرێما کوردستانێ بۆ دابینکرنا هەمى پێدڤیێن نەخۆشخانا هیوا و هەمى نەخۆشخانەیێن چارەسەرکرنا توشبوویێن پەنجەشێرێ تەکەزکر و ئاماژە ب وێیەکێ کر، کو نابیت چ کێماسى و پاشڤەکێشان د وان خزمەتگوزاریێن تەندروستى دا بهێتەکرن، کو دێ پێشکێشى نەخۆشێن پەنجەشێرێ هێتەکرن".
هەر ئەڤرۆ، وەزارەتا ساخلەمیا هەرێمێ ڕاگەهاند، ئەو نووچەیێن دەربارەى نەخۆشخانا هیوا بەلاڤبووین، کو گوتى دێ هێتە داخستن و فرۆتن و دێ دەنە کەرتێ تایبەت، "نە ڕاستن و چەواشەکار و موزایەدێ یە".
ئەو ژی د دەمەکی دایە، بسەدەما نەبوونا پارە و دەرمانێن پێتڤی، ڕەوشا نەخۆشخانەیا هیوا دنهادا بەرەڤ خرابیێ دچیت، حەفتیا دەربازبووی ژی بەشەک ژ نوژدار و کارمەندێن نەخۆشخانێ بسەدەما وەرنەگرتنا شایستە دارایێن خۆ کارێن خۆ ڕاگرتبوون.
ژبەریا نها، سەباح هەورامى ڕێڤەبەرێ ساخلەمیا سلێمانیێ ڕاگەهاند، دەما شەش مەهانە حکومەتا هەرێمێ شایستەیێن دارایی و هاریکارى بۆ نەخۆشخانەیا هیوا ڕاگرتینە.
د نها ژى دا، کەنالێ ئێن ئاڕ تی کەمپینەک بناڤێ "حەفتیا کومکرنا هەڤکاریان بۆ نەخۆشخانەیا هیوا" ڕاگەهاند، کو تێدا دێ هەڤکاریان بۆ وێ نەخۆشخانێ و توشبوویێن پەنجەشێرێ کومڤەکەن.
بەرپرسێن کەنالێ ئێن ئاڕ تی ڕاگەهاند، کەمپین دێ بۆ دەما ئێک حەفتی بەردەوام بیت و هەڤکاریان بۆ نەخۆشخانەیا هیوا کومڤەکەتن کو تایبەتە بۆ چارەسەرکرنا توشبوویێن پەنجەشێرێ، چەند کەسایەتیێن جیاواز دکەمپینێ دا بەژدارن.