فۆتۆ:
2021-06-19
400 جار خوێندراوەتەوە
قایمقامێ قەزا ماوەت سەر ب پارێزگەها سلێمانیێ ڤە بۆ ئێن ئاڕ تى ڕاگەهاند، بالەفڕێن تورکیا بۆردومانا گوندەکێ سەر ب وێ قەزایێ ڤە کریە و ب وێ سەدەمێ چەند کوشتى و بریندار هەنە.
کامەران حەسەن قایمقامێ قەزا ماوەت سەر ب پارێزگەها سلێمانیێ ڤە بۆ ئێن ئاڕ تى ڕاگەهاند، دەمژمێر شەش و ٤٠ خولەکى ئێڤاریا ئەڤرۆ شەمبى، بالەفڕێن تورکیا ل گوندێ گەلالى سەر ب وێ قەزایێ ڤە ترۆمبێلا وەلاتیەکێ مەدەنى کریە ئارمانج.
دیار ژى کر، بۆمبەباران د دەمەکى دا بوو مەفرەزەکا هێزێن پەکەکێ ل گوندێ گەلالێ دا دچوون، دبێژیت ژى، ب سەدەما وێ بۆمبەبارانێ چەند کوشتى و بریندار هەنە، لێ هژمارا دروست یا قوربانیان هەیا نها ل بەر دەست نینە.
جار جار بالەفڕێن تورکیا ترۆمبێلێن وەلاتیان ل هەرێما کوردستانێ دکەنە ئارمانج و و سالا دەربازبووى ب سەدەما بۆمبەبارانا بالەفرەکا بێ بالەفڕڤانا تورکیا ل سەیرانگەها کونەماسى ل پارێزگەها سلێمانیێ چار وەلاتى کو ئەندامێن ئێک خێزان بوون ب گرانى برینداربوون.
رۆژا ١٣ێ مەهێ ژى دا، د بۆمبەبارانا بالەفڕەکا بێ بالەفڕڤان دا ل دەڤەرا پشدەر چار کەسان ژیانا خۆ ژدەست دا، کو سێ ژ وان ئەندامێن پەکەکێ بوون و ئێک ژى وەلاتیەکێ مەدەنى بوو.
د.ش