فۆتۆ:
2021-06-19
1565 جار خوێندراوەتەوە
پشتی دروستکرنا چەند کلیپان ژ ئالیێ هونەرمەندان ل پەرستگەها لالش و ب هەبوونا چەندین کریارێن نە رەوا ل گورەی دیتنا ئێزدیان، نە رازیبوونا وان لدویف خۆ ئینا و دروستکرنا کلیپان ل وی جهی هاتە قەدەغەکرن.
جەوهەر عەلی بەگ شێورمەندێ میرێ ئێزدیان بۆ ئێن ئاڕ تی ڕاگەهاند، پشتی داخازکرنا هندەک ژ هونەرمەندان بۆ دروستکرنا چەند کلیپان ل پەرستگەها لالش، رێک پێ هاتە دان کو کلیپێن خۆ ل وی جهی دروستبکەن.
دبێژیت ژی، پشتی بەلاڤبوونا هندەک ژ وێنە و ڤیدیۆیان کو ل وی جهی هاتبوونە تۆمارکرن، بسەدەمێ لبەر کرنا هندەک ژ جلوبەرگێن نە گونجای دگەل وی جهی و ب پێلاڤ چوینە دناڤا پەرستگەها لالش دا، ڤێیەکێ ژی، نەرازیبوونا جاددا وەلاتیێن ئێزدی لدویف خۆ ئینایە.
بەحسا وێیەکێ ژی کر، پشتی نەرازیبوونا جاددا وەلاتیێن ئێزدیان، مە دروسترکرنا کلیپان ب ئێکجارێ ل پەرستگەها لالش قەدەغە کریە.
لالش ب مەزنترین و پیروزترین پەرستگەهـا ئێزدیان ل جیهانێ دهێتە دانان دکەڤیتە ب دویراتیا ١٢ کیلۆمەتران دکەڤیتە باکورێ رۆژئاڤایێ قەزا شێخان ل پارێزگەها دهۆکێ، سالانە د جەژن و بیرەوەریێن ئاینی دا نێزیکی ١٥٠ هزار کەسان قەست دکەنە وی جهی.
هـ.ئـ