فۆتۆ:
2021-06-19
395 جار خوێندراوەتەوە
وەزارەتا دارایی و ئابورى یا هەرێمێ ڕاگەهاند، ئاریشا سندوقا پەنجەشێرێ ئاریشەکا سیاسیە و ئەم ژێ نە بەرپرسین.
ئەڤرۆ شەمبى، وەزارەتا دارایی و ئابورى یا هەرێمێ دەربارەى سندوقا هاریکاریێن پەنجەشێرێ تایبەت بۆ نەخۆشخانێن پەنجەشێرێ ل هەرێمێ ب گشتى و نەخۆشخانا هیوا ل باژێرێ سلێمانیێ ب تایبەتى ڕاگەهاندنەک بەلاڤکر.
د وێ رأگەهاندنێ دا هاتیە، "ئاریشا سندوقا پەنجەشێرێ ژ دوور و نێزیک ڤە پەیوەندى ب وەزارەتا دارایی و ئابورى ڤە نینە و هژمارا وان یا تایبەتە و ئەو ب خۆ بێى ڤەگەریانا وان بۆ وەزارەتا دارایی و ئابورى و پارەى ژێ د مەزێخن".
دیارکر ژى، ڕێژا ٢% پەیوەندى ب سندوقا پەنجەشێرێ یا مەزاختیان ڤە نینە و رێنمایی یێن کەڤنن و پەیوەندى ب مەزاختنا شایستەیێن دارایی یێن دەرمانان ڤە هەیە.
دەربارەى چاوانیا مەزاختنا پارەیی بۆ کرینا دەرمانان وەزارەتا دارایی د ڕاگەهاندنێ دا ئاماژە ب وێیەکێ ژى کر، "وەزارەت دگەل هەر ئێک ژ ڕێڤەبەرێ گشتى یێ بانکا ناڤەندیا هەرێمێ لقێ سلێمانیێ و رێڤەبەرێ گشتى یێ ساخلەمیا سلێمانیێ لهەڤهاتن پارەیێ کڕینا دەرمانان چارەسەربکەن و دێ ب رێکا سیولە پارەیی بۆ مەزێخن وەک سالێن دەربازبووى".
د بەشەکا دى یا ڕاگەهاندنێ دا ئاماژە ب بەرپرسایەتیێ کریە و دبێژیت، "ئاریشا سندوقا پەنجەشێرێ و کا کێ سەرپەرشتیا وێ کریە، ئاریشەکا سیاسیە و وەزارەتا دارایی و ئابورى ژێ نە بەرپرسیارن".
هەروەسا، دەربارەى مەزاختنا موچەیێ "ل شوینا نۆرینگە" وەزارەتا دارایی ئاماژە ب وێیەکێ کر، ل رۆژا ١٥ى ٦ ٢٠٢١ێ ئاریشا (بدل عیادات) و (میلاكات) ب هەماهەنگى دگەل سەرۆکاتیا جڤاتا وەزیران هاتیە چارەسەرکرن و بێی کو پەیوەندى یا ڕاستەوخۆ ب دارایی ڤە هەبیت".
ل داویا وێ ڕاگەهاندنێ وەزارەتا دارایی دبێژیت، ئاریشا دانا رەزامەندیا داخازا نەخۆشخانا هیوا بۆ وەرگرتنا ٥٠٠ ملیۆنێن مەهانە ب رێکا وەزارەتا ساخلەمیێ بۆ جڤاتا وەزیران بلندکریە، وێیەکێ ژى دوور و نێزیک پەیوەندى ب وەزارەتا دارایی و ئابورى ڤە نینە.
ئەڤە ژى د دەمەکى دایە، ئەڤ ڕاگەهاندنا وەزارەتا دارایی و ئابورى پشتى ڕاگەهاندنا هەوا حەفتیا ئێن ئاڕ تى بۆ نەخۆشخانا هیوا دهێت، کو داخاز ژ وەلاتى و خێرخازێن هەرێمێ دکەت هاریکاریێ بۆ وێ نەخۆشخانێ کۆم بکەن.
د.ش