فۆتۆ:
2021-06-19
384 جار خوێندراوەتەوە
د بوویەرەکا هاتن و چونێ دا ل تاخێ گەڤەرکێ ل ژ جورێ لێدان تڕومبێلەکێ ل کەسەکێ ٤٠ سالی دایە و ژیانا خۆ ژ دەست دایە.
رێڤەبەرێ ڕاگەهاندنا هاتن و چونا دهۆکێ بۆ ئێن ئاڕ تی ڕاگەهاند، نیڤرۆیا ئەڤرۆ ل نێزیک دەمژمێر ١ لسەر جاددا سەرەکی یا سەنتەرێ پارێزگەها دهۆکێ، ل تاخێ گەڤەرکێ بوویەرەک دروستبوویە ژ جورێ لێدان، تڕوبێلەکێ ل کەسەکی دایە و هەیا گەهاندیە نەخۆشخانێ ژیانا خۆ ژ دەستدایە، تەرمێ وی گەهاندیە نوژداریا داد.
ئاماژە ب وێیەکێ ژی کریە، ئەو کەسە بناڤێ (ت، م) خێزاندارە و خۆدانێ سێ زارۆیانە، هەڤدەم، فەرمانبەرێ باژێرڤانیێ یە.
ئەڤە ددەمەکیدایە، رێڤەبەریێن بەرپرس یێن هاتن و چونێ سەدەمێ بوویەرێن هاتن و چوونێ بۆ پێگیری نەکرنا وەلاتیان ب رێنمایێن هاتن و چوونێ، وەلاتی ژی سەدەمێ بوویەران بۆ خرابیا رێیان ڤەدگەرینن.