فۆتۆ:
2021-06-19
334 جار خوێندراوەتەوە
پشتی دەستپێکرنا هێرشێن تورکیا بۆ سنوری هەرێما کوردستانێ بگشتی و دەڤەرا بەرواری بالا بتایبەتی د دوو مەهێن دەربازبوویدا نێزیکی پێنج هزار دوونەمێن رەز و باغان ل وێ دەڤەرێ شەوتینە و حەفت گوند ژی هاتنە چولکرن.
ل گۆرەی زانیاریێن نووچەگەهانێ ئێن ئاڕ تی ل دەڤەرا ئامێدیێ، پشتی تورکیا ل ٢٣ی مەها نیسانا ئەڤ سالە ب بهانەیا هەبوونا گەریلایێن پەکەکێ هێرشا چنگێن بریسیێ و چنگێن هەورە تریشقە بۆ سەر دەڤەرێن سنوری ل قەزا ئامێدی و زاخۆ دەستپێکریە، هەیا نها دوو وەلاتیێن سڤیل برینداربوونە و حەفت گوند ژی هاتنە چولکرن.
بەحسا وێیەکێ ژی دکەت، د ڤی دەمی دا ئارتێشا تورکیا هەشت بارگەهێن نوی ل وێ دەڤەرێ دروستکرنە، ژوانا ژی سەرێ زنارا کێستە و ملا ردێ ل سنورێ گوندێ کێستە و سێ جهێن دی ژی ل رۆژهەلات و رۆژئاڤا و پشتا گوندێ هرورێ و هەروەسا ل هنداڤی گوندێ قومریێ و ئۆرە ژی بنەجهبوونە.
ئاماژە ب وێیەکێ ژی دکەت، ب ئاوایەکێ رۆژانە ئارتێشا تورکیا سنورێن وان دەڤەران بۆمبەباران و تۆپباران دکەت و داوی جار ژی نێزیکی دەژمێر ٤:٠٠ی ئێڤاریا رۆژا دەربازبووی نێزیکی گوندێ هرورێ ژ ئالیێ ئاڕتێشا تورکیا ڤە هاتە بۆمبەبارانکرن.
هەڤدەم، ئاشکرا ژی دکەت، بسەدەما بۆمبەباران و تۆپبارانکرنا رۆژانە وەلاتیێن وان گوندان بتنێ دانێ سپێدێ دچنە گوندێن خۆ ژبوی ئاڤدان و سەخبیرکرنا رەز و باغێن خۆ.
ئەڤە د دەمەکی دایە، ل گۆرەی ڕاگەهاندنەکا وەزارەتا پێشمەرگەی ل ٥ی ٦ی ٢٠٢١ێ ل چیایێ مەتینا هەر ل دەرڤەرا ل سنورێ قەزا ئامێدیێ پێنج پێشمەرگە شەهیدبوون و حەفتێن دی ژی برینداربوون، لسەر وێ یەکێ ژی وەزارتێ پەکەکە تۆهمەتبارکر و پەکەکێ ژی ئەو تۆهمەتە ڕەتکرن.
نیهاد ئورەماری، ئامێدی
و.ح