فۆتۆ:
2021-06-19
259 جار خوێندراوەتەوە
وەزارەتا ساخلەمیا هەرێمێ ڕاگەهاند، دەرباری نەبوونا بەلگەیێن زانستی کو بسەلمینیت ڤاکسینا کۆرۆنایێ زیان بۆ سەر ساخلەمیا وان زارۆکان هەیە ئەوێن شیرێ دایکێ دخۆن، ئەو ژنێن شیردەر دشێن ڤاکسینێ وەربگرن.
وەزارەتا ساخلەمیا هەرێمێ ڕاگەهاندنەک بەلاڤکر و تێدا هاتیە، "ئافرەتێن شیردەر ڤاکسینێ کۆرۆنایێ وەربگرن، بسەدەما نەبوونا بەلگەیان، کو بسەلمینیت ڤاکسینا کۆرۆنایێ زیان بۆ سەر ساخلەمیا زارۆکان هەیە، کو شیرێ دایکێ دخۆن ژبەر وێیەکێ پێتڤیە بزاڤان چڕ بکەن بۆ بهێزکرنا ساخلەمیێ و ڕاگەهاندانێ دەربارەی گرنگیا وێ چینێ بۆ وەرگرتنا ڤاکسینا کۆرۆنایێ".
لگۆرەی ڕاگەهاندنا وەزارەتا ساخلەمیێ دەربارەی وەرگرتن و پێدانا ڤاکسینا ئەسترازینکا، بتنێ بۆ وان کەسان بهێتە بکارئینان کو ژیێ وان زێدەتری ٤٠ سالانە و ئەو کەسێن قورچا ئێکێ وەرگرتینە و چ کارتێکرنێن لاوەکی بۆ وان دروست نەبوونە بەردەوامبن لسەر وەرگرتنا قورچا دووێ ژ ڤاکسینێ.
ل داوییا ڕاگەهاندنێ ئاماژە ب وێیەکێ ژی کریە، دبیت ڤاکسینا کۆرۆنایێ ژ جۆرێ سینۆفارما ب وان کەسان بهێتە دان، کو ژیێ وان زێدەتری ٦٠ سالانە، ژبەر نەبوونا ڕاسپاردەییان دوێ دەربارێ دا.
د دەما دەربازبووی دا، پرسا پێدانا ڤاکسینێ ب وان ژنێن کوو شیردەر و دوو گیانن ببوو جهێ گۆتۆبێژ و پسیاران لدەڤ خەلکی.
ژ ئالیەکێ دی ڤە، پشتی پێدانا ڤاکسینا ئەسترازینکایا بەریتانی، کو ب ڤاکسینا ئۆسفۆرد ناڤدارە، چەند کەیسێن دەگمەن ب خۆین مەین و توشبوون ب جەلتا دلی و میشکی ل بنگەهێن ساخلەمیێ هاتنە تومارکرن، ئەڤێ یەکێ ژی وەکر وەلاتیێن ئەورۆپا و دەستیا ساخلەمیا یەکێتیا ئەورۆپا کر پێدانا ڤاکسینێ ب وان کەسێن خوار ژیێ ٤٠ سالیێ و ئەوێن ئاریشەیا پەتانا بلندیا خۆینێ و دوهنیاتان و ئاریشەیا تیربوونا خۆینێ هەیە ڕاوەستینن.
و.ح
