فۆتۆ:
2021-06-19
595 جار خوێندراوەتەوە
ئاژانسا نووچەیێن رۆیتەرز ڕاپۆرتەکا وەزارەتا دەرڤەیا ئەمریکا بەلاڤکریە، کو دەستهەلاتدارێن وی وەلاتی ڤەکۆلینێن گشتی دەربارەی سەختەکاریان دەستپێکریە، نێزیکی چار هزار عێراقیان ژی بەلگەنامەیێن نەدروست وەکی پەنابەر پێشکێشکرنە و ب وێ سەدەمێ ژی هەرەشەیا دیپۆرتکرنێ لسەرە.
زێدەتر ژ ٥٠٠ عێراقیان لسەر حیلەکرنێن جودا ژ بەلگەنامەیان تێکەفتنە، ئەگەرێن وێ یەکێ هەنە دەربکەڤن یان ژی ناسناما ئەمریکی ژێ بهێتە وەرگرتن.
بەرپرسێن ئەمریکا ژی ڕاگەهاندنە، ڤەکۆلین ب پێشکەفتی ترین بەرنامەیێن سەردەمی برێڤە دچیت، دڤێن وەکی ئامادەکاریەک بۆ وەرگرتنا وەلاتیێن ئەفغانی ژی پشتی ڤەکێشانا هێزیێن وان د وی وەلاتی دا مفای لێ وەربگرن و دوربیت ژ حیلە و سەختەکاریان.
ئەڤەژی پشتی وێیەکێ دهێت، پشتی دەستبکاربوونا جۆ بایدن، سەرۆکێ نهایێ ئەمریکا ل مەها کانونا دووێ یا ئەڤ سالە پێدانا ڤیزێ ب وەلاتیێن عێراقێ بۆ دەما ٩٠ رۆژان ڕاگرت، لێ بسەدەما سپیکرنا پارەی و دزیکرنێ و سەختەکاریێ لسەر چەند وەلاتیان ئەو دەمە درێژترکر.
و.ح