فۆتۆ:
2021-06-18
326 جار خوێندراوەتەوە
کەنالێ ئێن ئاڕ تی کەمپینەک بناڤێ "حەفتیا کومکرنا هەڤکاریان بۆ نەخۆشخانەیا هیوا" ڕاگەهاند، کو تێدا دێ هەڤکاریان بۆ وێ نەخۆشخانێ و توشبوویێن پەنجەشێرێ کومڤەکەن.
بەرپرسێن کەنالێ ئێن ئاڕ تی ڕاگەهاند، کەمپین دێ بۆ دەما ئێک حەفتی بەردەوام بیت و هەڤکاریان بۆ نەخۆشخانەیا هیوا کومڤەکەتن کو تایبەتە بۆ چارەسەرکرنا توشبوویێن پەنجەشێرێ، چەند کەسایەتیێن جیاواز دکەمپینێ دا بەژدارن.
ئەو ژی د دەمەکی دایە، بسەدەما نەبوونا پارە و دەرمانێن پێتڤی، ڕەوشا نەخۆشخانەیا هیوا دنهادا بەرەڤ خرابیێ دچیت، حەفتیا دەربازبووی ژی بەشەک ژ نوژدار و کارمەندێن نەخۆشخانێ بسەدەما وەرنەگرتنا شایستە دارایێن خۆ کارێن خۆ ڕاگرتبوون.
بەریا نها ژی، سەرباح هەورامی رێڤەبەرێ ساخلەمیا سلێمانیێ راگەهاندبوو، بۆ دەما شەش مەهانە حکومەتا هەرێمێ شایستە دارایی و هەڤکاری بۆ نەخۆشخانەیا هیوا ڕاگرتبوون.
و.ح