فۆتۆ:
2021-06-18
602 جار خوێندراوەتەوە
پەیڤدارێ پۆلیسێن دهۆکێ ڕاگەهاند، ئەو کەسێ ئەڤرۆ ل باژارێ زاخۆ تەقە ل ئاسایشێ کری و کەسەک کوشتی و پشترە رەڤی ژ ئالیێ پۆلیسێن هەوار هاتنێ ڤە ل باژارێ دهۆکێ هاتە دەستەسەرکرن.
هێمن سلێمان پەیڤدارێ پۆلیسێن دهۆکێ دگرتە ڤیدیۆیەکێ دا ڕاگەهاند، ئەڤرۆ هێزێن ئاسایشا زاخۆ بزاڤکرن تۆهمەتبارەکێ داخازکری دەستەسەربکەن لێ تۆمهەتباری خۆ ڕادەست نەکریە و تەقەکریە، دئەنجامدا گەنجەکێ تەمەن ٢٣ێ سالی ب دژواری برینداردبیت، تا دگەهیننە نەخوشخانا هەوارهاتنێ ل دهۆکێ ژیانا خۆ ژدەست ددەت.
ئاماژە ب وێیەکێ ژی کر، پشتی دیڤچوونێن پۆلیس و ئاسایشا قەزا زاخۆ بهەڤکاری دگەل پۆلیسێن دهۆکێ جهێ وی تۆهمەتباری هاتە دەستنیشانکری دیاربوو کو ل جهەکێ نەدیار لسەنتەرێ باژارێ دهۆکێ خۆ ڤەشارتبوو، دئۆپەراسیۆنەکا پۆلیسێن هەوارهاتنێدا هاتە دەستەسەرکرن.
بەحسا وێیەکێ ژی کر، "ب بریارا دادوەرێ ڤەکۆلینێ ئەڤ توهمەتبارە دێ هێتە ڕەوانەکرن بۆ دادگەها ڤەکۆلینێ و بنگەهێ پۆلیسێن نەهێلانا گونەهباریان ل زاخۆ داکو بگەهیتە سزایێ خۆ".
ئەڤە د دەمەکی دایە، دوو شەڤان بەریا نها ژی و پشتی سێ رۆژان ژ بەرزەبوونێ تەرمێ گەنجەکێ نێزیکی ٢٠ سالی ل قەزار زاخۆ هاتیە دیتن و هەیا نها ل نوژداریا دادا دهۆکێ یە و دیار نەبوویە کا بدروستاهی ئەو گەنجە کی یە و سەدەمێ ژیان ژ دەستدانا وی ژی نەهاتینە زانینن.
و.ح